Matiu 23:8 - mzwDBL

⁸ He bɛ ɡel nomɛlbwa yerɛ heyaa ba nomoa, dɛkalkɛ he bwa kɛrɛdɛ. Nomoa beŋkpoŋ ɡbo ɡee he dɔ.

Matiu 23:8 ပူးပေါင်းရင်းမြစ်များ

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 23:10

He bɛ ɡel nomɛlbwa ɡe yerɛ he bini bɛlbwa o dɔɔ, dɛkalkɛ dɔɔ beŋkpoŋ ɡboo lole, onee Kristo la.

Matiu 23:7

Ba dɛ nyin kɛŋɔ nɛra ba harɛ, dɛɛ lea ba yawa ta ne fɔɡbaahna, dɛɛ yer ba ‘Nomoa, nomoa.’

Matiu 26:25

Anee Judas waa dɛ ba o lee tɛ la ɡe pɛɛro ŋɔ, “N Dɔɔ, menee kɛɛ?” Anee Yeesu ŋɔ, “Anee he bol la.”

Matiu 26:49

Judas den pa sie Yeesu be dɛ ŋɔ, “N Dɔɔ, he leaa?” O ɡbaaro pɛl o bambile dɛ mo o lwɛɛma.

Amanesoma Mak Aa Chwera Tɔn 10:51

Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?” Asɛ nyoŋe la ŋɔ, “Nomoa, n dɛ nyin ń won dɛɛ na.”

Amanesoma Mak Aa Chwera Tɔn 11:21

Belaa Pita lii ɡɛ aa ɛa mɔɔ daa la sewɛ la, dɛ ŋɔ Yeesu be ŋɔ, “Nomoa, na. Fiɡ daa la haa taahno la sewɔ!”

Amanesoma Mak Aa Chwera Tɔn 14:45

Waa baa tel Yeesu be la, o ɡbaaro pɛl o bambile dɛ mo o lwɛɛma dɛ ŋɔ, “N Dɔɔ!”

Amanesoma Mak Aa Chwera Tɔn 9:5

Asɛ Pita ŋɔ Yeesu be ŋɔ, “N Dɔɔ, a wer taeh kɛŋɔ yaa lɔ bonɔ nɔ. Gel ya do kukure atoro ásɛ he kpɔ bɛl, Mosis kpɔ bɛl, Elaeja ɡe kpɔ bɛl.”

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Jɔn Aa Chwera Tɔn 1:38

Belaa Yeesu ke nyiŋi dɛ na kɛ baa teŋɛ o nɛ, asɛ o bɔɔ ba ŋɔ, “Bɔkwaa hɛɛ nyin ɔ?” Asɛ ba bɔɔro ŋɔ, “Rabae, lee he dem doɔ?” Rabae munii nɛn waa dɛ chaɡle wa.

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 11:8

Anee ba ŋɔ, “N Dɔɔ, he laa baah bɛl ta bela tena fe ɛɛ nyini dɛ́ foɡre bwea kpo la kɛɛ, ɡɛɛ he berɛ dɛɛ nyin bela laŋa taraken ja aa?”

Amanesoma Jɔn Aa Chwera Tɔn 20:16

Anee Yeesu yerɔ ŋɔ, “Mɛɛre.” Asɛ o berɛ sie o be dɛ kpɔ Aram tena wobol ŋɔ, “Raboni!” O munii Nomoa, dɛ ka lawɔ kpoŋe.

Amanesoma Jɔn Aa Chwera Tɔn 3:2

Awola bɛl jwaana, o ba Yeesu be dɛ ba ŋɔ o be ŋɔ, “Nomoa, nomɛlbwa jemɔ kɛŋɔ Korowiirii tomɛ ŋɔ hé ba baɡle nɛra wa, dɛkalkɛ dɛ Korowii ta nɛn habɔɔ cheɡaa, waa won ɛ nyokpowaa nɔ haa dɛ ɛ nɔ.”

Amanesoma Jɔn Aa Chwera Tɔn 3:26

Ba la Jɔn be dɛ ka pɛɛro ŋɔ, “Nomoa, he dɛ lii kɛ he ne baa bɛl fa aa cheɡɛ Jɔɔdan Moo la wee leebɔr pera la aa? O waa he faa bol la. O dɛ sɔ nɛra Korowii ne, asɛ nɛra bwa chwa dɛɛ kaa o be.”

Amanesoma Jɔn Aa Chwera Tɔn 4:31

Haah la aa kaa bwɛɛ la ta la, Yeesu habɔteŋra la soŋo jande jande ŋɔ, “Nomoa, lɛ kondikwaa di!”

Amanesoma Jɔn Aa Chwera Tɔn 6:25

Nɛra la aa tel bela la, ba kaa na Yeesu kɛ waa lɔ moo la baŋ bela, asɛ dɛ bɔɔro ŋɔ, “Nomoa, saŋ besoo he ba bonɔ nɔ?”

Amanesoma Jɔn Aa Chwera Tɔn 9:2

Belaa o habɔteŋra la bɔɔro ŋɔ, “Nomoa, baa nɔ ne o nya ne o mɛɛ, ba bini ume wechɔɡaa ba nyoŋa nɔ ne nɔɔ?”

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Ɛfesos 3:15

Onee komɛlbwa waa lɔ nyundua ne harɛ bwa Mɛɛ. O bee ba mɛɛnanar lɛ ba sɔn ne ba kpeɡri dɛɛ di.

Faelemɔn 1:16

O ta he yom ɡbo ɛɛ kpa. O ɛ he nimedɛɛɡe ya Dɔɔ Yeesu be pera. Gɛ n kwara aa dɛ nyin o waa nɔ, n jemɔ kɛ he te ɛɛ nyin o waa ɡwaa ɡɛ, dɛkalkɛŋɔ o ɛ he yom ne he nime tenten ya Dɔɔ Yeesu be pera.

Jems 3:1

Yabala, he bwa laa chɛ kɛ he ɡel he sie beɡre Korowii waa baɡla ta, dɛkalkɛ ɡɛ haa jema la, ya nɛra yaa dɛ baɡle Korowii waa la waa binii wɛɛ ba nyiŋa kɛrɛdɛ ɡwaa nɛra baa kaa la.

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 22:9

asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”