Matiu 23:16 - mzwDBL

¹⁶ Nyoŋa haa dɛ tɔ nɛra sie, hé bwɛɛlɛ! He yon dɛɛ chaɡle nɛra ŋɔ, ‘He naate haa ŋwɛɛ Korowii Dea la, ate aa won hen waane ɛ. Kɛ suuɡaswɛm waa lɔ Korowii Dea bela la te, baa o te ŋwɛɛ.’

Matiu 23:16 ပူးပေါင်းရင်းမြစ်များ

Aesaya 9:16

Nɛra baa tɔ nɛra la sie la, ɡelɔ baa koni, dɛ ɡel banɔ la baa teŋɛ ba nɛɛ la ɡe nyoɡre kwaraa.

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Matiu 23:17

Nyoŋeɡɛna bane! Suuɡaswɛm la ne Korowii Dea la waa ɡela suuɡaswɛm la do ɔma la, umee do ɔma ɡwaa o dɔŋ ɔ?

Matiu 23:19

He nyoɡrɔ kwara! Kwaa baa kpoa tɛ Korowii la, ne kon baa kpo kwaa la dɛ ɡel kwaa la do ɔma la, a bini umee do ɔma ɡwaa o dɔŋ ɔ?

Matiu 23:24

Nyoŋa haa dɛ tɔ nɛra sie dɛɛ maŋkura wejeɡre ɡwaa anjena! He waa haa dɛ ɛ la do kɛŋɔ nɛn o yon nyiŋi o nenyɔɔle ta, dɛ́ won na pereware dɛ́ laa kpɔ ta, kɛ dɛ nyoɡma te lɔ a ta naa, waa o te na, dɛ yon kpɔ lile.

Matiu 23:26

Farisii tena nyoŋa bane! Hé loo doŋa aa lɔ numol la bini la mɔɔ. O bini la dɔɔ lea, dɛ o habɔɔ leɔ.

Galaasia 5:3

Hé ɡel n kwaa ŋɔ he be he no kɛrɛdɛ, nomɛlbwa waa ɡela ba teŋe o pen ásɛ o waa su Korowii siwi la, a chɛ kɛ ó teŋɛ Mosis Mmara la bwa ta.

Jems 5:12

Yabala, anɔ la aa jaa dɛ ɛ siswɛm waa laanee kɛ, he bɛ Korowii kɛɛ harɛ kɛɛ komɛlbwa dɛɛ ŋwɛɛ. Ba dɛ bɔɔ heyaa waa dɛ a ɛ kpela aa, hé sɛh ŋɔ, “Ɔɔh,” dɛ nyosone ɡee yaa, hé ŋɔ, “Ɔɔhɔh.” He bɛ ŋwɛɛ ja, ásɛ a bɛ wechɔɡa ɛ dɛ́ tɛ heya.