Matiu 23:15 - mzwDBL

¹⁵ Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! Heyaa yon ɡaaɡe aaa ɡɛ haa ɛ dɛ́ dɔ nɛn waa wola Juu te ɛɛ ó ba ja he nɛɛ dɛ́ tomɛ Korowii. Kɛ dɛ he baa dɔ bɛl aa, he yon berɛ ɛo o chɔɡ kwaraa, asɛ a yon berɛ do kɛŋɔ o tenee bera chɛ Bɔnsam nii ta laŋa ɡwaa heya.

Matiu 23:15 ပူးပေါင်းရင်းမြစ်များ

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

We-ɛɛla 13:43

Nɛra la aa le cheremibɔr bela la, Juu tena ne nɛra baa wola Juu tena ɛɛ dɛ baa ja Juu tena nɛɛ dɛɛ tomɛ Korowii ɡɛ Juu tena aa dɛ tomɔ la teŋɛ Pɔɔl ne Banabas nɛɛ pirim. Yeesu toroma la bol waa baɡ ba, dɛ ja ba ŋɔ báa teŋɛ Korowii ŋwɛnɛ ta ásɛ wɛɛ cha ba.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

We-ɛɛla 14:2

Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

Galaasia 4:17

Nɛra maa bol ba waa ŋɔ ba dɛ wili heyaa la, ba swɛɛ siwi dɛɛ ɛ kɛŋɔ baa dɛ nyin he waa la, kɛ waa aa lɔ ba nyu bini la aa were. Ba waa baa dɛ nyin ɛɛ laanee kɛŋɔ bá pere n ne he baah, ásɛ dɛ fe berɛ he sie kaa ba be.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

We-ɛɛla 17:13

Juu tena baa lɔ Tesalonika aa noa kɛŋɔ Pɔɔl kaa bol Korowii Waa Bɛrea ɡe la, ba ba bela dɛ ba do ba, asɛ ba bwaawee ir Pɔɔlwa nɛ.

We-ɛɛla 14:19

A habɔɔ la, Juu tena bane baa le Ikooniam ne Anteɔk waa lɔ Pisidia harɛ ta la ba bela, dɛ ba bol waa dɛ berɛ Lestra tena la liire, asɛ ba baah di Pɔɔl nɛ. Ba foɡro bwea dɛ tuuɡu le bwɛjen la ta. Dɛ ba dɛ lii kɛ o sewɔ.

We-ɛɛla 2:10

bane le Frejea ne Pamfilia, bane le Ijipt ne Lebya harɛ, Sairini jwɛɛh bela. Ya bane le Rom.

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Matiu 5:29

Anomanta, dɛ he diɡ siwi ɛɛ ɡeloo he ɛ wechɔɡa aa, fomo ta! He fomo ta kwaraa bɔ kɛ haa kpɔ sibie anɛ kaa Bɔnsam nii ta.

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!