Matiu 22:42 - mzwDBL

⁴² “Ɛrɛɛ hɛɛ lii Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laɔ? He dɛ lii kɛ ume naa yɔ?” Anee ba ŋɔ, “Devid naa.”

Matiu 22:42 ပူးပေါင်းရင်းမြစ်များ

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Matiu 1:1

Gɛ Kooro Devid naa Yeesu Kristo nabaala aa teŋɛ dɔŋa nɛɛ laanee nɔ. Abrahamee ɛ ba bwa nyu te.

Matiu 14:33

Yeesu habɔteŋra baa lɔ ɡbera la bini la ɡuŋu dɛ ŋɔ, “Kasinteŋ, henee Korowii Bie la kpela.”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Matiu 22:43

Anee Yeesu berɛ pɛɛ ba ŋɔ, “Aah ɛrɛ waa Korowii Domadɛɛɡe la aa ir Devid nɛɛ la o berɛ yerɔ o dɔɔ nɔɔ? Devid fa ŋɔ,

Matiu 9:27

Yeesu aa le bela dɛɛ kaa la, nyoŋa banɛ bane no o ɡbɔɡa, dɛ ir teŋɛ o nɛɛ dɛɛ yerɔ dɛɛ ŋɔ, “Devid Naa, na ya sum!”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 20:28

Asɛ Tɔmas ŋɔ, “N Dɔɔ, n Korowii!”

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.