Matiu 22:31 - mzwDBL

³¹ Nɛra seo ta ira ɡe la nɔ, he ta ɡɛ Korowii aa bol he be la kure dɛ no a mun kɛɛ?

Matiu 22:31 ပူးပေါင်းရင်းမြစ်များ

Matiu 12:3

Anee Yeesu chaŋ ba ŋɔ, “He ta kure na ɡɛ ya naa Devid aa ɛa ɡɛ saŋ lɔr aa dɛ kpo o ne o nɛra la kɛɛ?

Matiu 12:7

Korowii Tɔn dɛ baɡle kɛ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ.’ Dɛ he fe jemɛ waa nɔ mun aa, he fe aa nɛra nɛɛ nya ŋɔ ba di bolchɔɡe,

Matiu 21:16

Anomanta, ba pɛɛ Yeesu ŋɔ, “He dɛ no ɡɛ bechale nɔ aa dɛ si nɔ kenɛ?” Anee Yeesu ŋɔ, “Ɔɔh, n dɛ no. He ta Korowii Tɔn la bela baa chwera ŋɔ, ‘Bechale ne bechasɔɔhne nyoaa he kpɔ he kpɛɛra do’ la kure ka kɛɛ?”

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Matiu 22:30

Dɛ nɛra baa sewa la berɔ iraa, baala aa haahnaa mo, haahna ɡe aa yalɛ. Baa soo kɛŋɔ nyundua toroma ken.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”