Matiu 22:30 - mzwDBL

³⁰ Dɛ nɛra baa sewa la berɔ iraa, baala aa haahnaa mo, haahna ɡe aa yalɛ. Baa soo kɛŋɔ nyundua toroma ken.

Matiu 22:30 ပူးပေါင်းရင်းမြစ်များ

Yela 103:20

Nyundua toroma haa kana dɛ do kpeɡri, heyaa dɛɛ teŋɛ o Mmarare ta, hé kpɛɛ Korowii.

Sekaria 3:7

Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Matiu 13:43

Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Matiu 22:31

Nɛra seo ta ira ɡe la nɔ, he ta ɡɛ Korowii aa bol he be la kure dɛ no a mun kɛɛ?

Matiu 24:38

Gɛ saŋ nee la aa wola sui dɛ chɔɡ harɛ mɔɔ la, dɛ nɛra dɛ di kwaa dɛɛ lɛ ba sie, dɛɛ mo haahna, dɛɛ yalɛ jaranar. Ba lɔ ɡɛ waa nɔ ta dɛɛ ɛ dɛ ka tel ɡɛ saŋ Nowa aa jo daka la bini ɡel ba.

Amanesoma Luk Aa Chwera Tɔn 17:27

Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”