Matiu 22:12 - mzwDBL

¹² Anee o bɔɔ baa la ŋɔ, ‘N dam, ŋwɛnɛ besoo taa a che he ba bonɔ, haa wola laala aa chɛ kɛ hé do dɛ́ ba hanfale dem bonɔ nɔ ane doe nɔɔ?’ Waa bɔɔro ɡɛ la, o ta waane dɔe dɛ bol.

Matiu 22:12 ပူးပေါင်းရင်းမြစ်များ

Job Tɔn 5:16

Anomanta, banɔ la aa hiah ba dɔ hwɛɡa, nɛnchɔɡa ta waa dɔe dɛ́ bol kpa.

Yela 107:42

Nɛra ba wa aa toɡra nao ba sie lɛ, kɛ nyubinikpeɡ tena te, ba helɔ.

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Matiu 20:13

Anee paa la chaŋe ba bini nomoa la ŋɔ, ‘N dam, n ta heyaa faahrɛ. N ne he ta toma nɔ yoɡ dii, he sɛh denaare beŋkpoŋa mɔɔ dɛ ba ɛa?

Matiu 26:50

Anee Yeesu pɛɛro ŋɔ, “N dam, ɛrɛ balaa he ba bonɔ nɔɔ?” Belaa nɛra la den ba ɡuɡri Yeesu dɛ lawɔ.

Matiu 5:20

Kasinteŋ, n dɛ ŋɔ he be, dɛ he wedɛɛɡa ɛɛ ta Tɔnjerema ne Farisii tena wedɛɛɡa ɛɛ ɡwaalaa, haa won ja Korowii Kora ta ŋwɛnɛ bɛlbwa ta.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

Taetos 3:11

Jemɛ kɛŋɔ nɛn waa do ɡɛ la vɛh kasinteŋ waa la. O ɡbabir jemɔ kɛŋɔ o dɛ ɛ wechɔɡa ɡba, kɛ dɛ ɡe taa ɛ.

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.