Matiu 22:11 - mzwDBL

¹¹ Kooro la aa dɛ jam hɔɔhra la aa baa cheme bela la, o na baa bɛl ba bini kɛ o te ta laala aa chɛ kɛŋɔ ó do dɛ ba hanfale dem bela la ane doe.

Matiu 22:11 ပူးပေါင်းရင်းမြစ်များ

2 Koranar 10:22

Ate, Kooro Jehu ŋɔ nɛn waa dɛ nyiŋi kon voɡ batakaani aa lɔ o bini be ŋɔ, “Kpɔ batakaani ba tɛ Baal toroma bwa.” Asɛ o ka pa batakaani la ba tɛɛ ba.

Aesaya 52:1

Bwɛjen Jerusalam, ir! Ir nyu ne! Kpɔ bokpeɡa tɔ he te kɛŋɔ yal ken. Jerusalam, Korowii bwɛɛ waa do ɡoroŋ, kpɔ he yadɛɛɡe tɔ dɛ dɔ jirima. Nɛra baa wola Korowii tomɛ, dɛ kah doŋa te bɛlbwa, aa won jo he bwɛɛ nɔ ta kpa.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Wiile 5:22

Kɛɛ he deno vɛh yaa kwara kɛɛ? He bandia ta jaɡa dɔe ya nɛ aa?

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Matiu 13:30

Hé ɡel a bwa pɛ che dɛ́ kpeɡ. A koma ta la, mɛɛ ŋɔ nɛra baa dɛ ba a koma la bee bá tɔ sie kɛ kpɔɡchɔɡa la, dɛ́ vɔrɔwa, dɛ́ che ka ta nii ta dɛ́ fuah, mɔɔ dɛ́ ba komɛ mea tenten la, dɛ́ pa ka do mɛ n dɔndɔŋ bini.’ ”

Matiu 22:10

Asɛ bonɔɔna la le kaa fɔɡbaahna, dɛ ka yerɛ nɛra baa na ba la bwa. Nɛndɛɛɡa ne nɛnchɔɡa bwaa ba yerɛ, asɛ nɛra su bela baa lawɛ hanfale la maa ken.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 3:22

Yeesu Kristo yaradae taa a che nɛra wa ɛɛ su Korowii siwi. Nomɛlbwa waa dɛ yarada Yeesu waa la, o waa dɛ su Korowii siwi, dɛkalkɛŋɔ nɛwɛnyini bwa beŋkpoŋ Korowii be.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 5:3

ásɛ ya bɛ bwadabii nya.

Galaasia 3:27

He banɔ la ba fa aa sɔ heyaa Korowii nee asɛ he ne Yeesu Kristo ɛ beŋkpoŋ la, Yeesu Kristo daa he kpɔ ɡɛ la.

Ɛfesos 4:24

O tɛ heyaa dafale bɛl soo siwi waa kwaara, o do kɛ o tenten la ásɛ he won ɛ nɛndɛɛɡa tenten, he waa bwa do kɛrɛdɛ o be. Anomanta, hé kpɔ dafale la.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 19:8

Ba kpɔ yapondɛɛɡe kpelkpel tɛo ó tɔ.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.