Matiu 21:34 - mzwDBL

³⁴ Nɔna la koma aa tela la, o tomɛ o bonɔɔna ŋɔ bá la nɛra la aa dɛ nyiŋi koo la ta la be, dɛ́ ka lɛ o dibɔr ba tɛo.

Matiu 21:34 ပူးပေါင်းရင်းမြစ်များ

Aesaya 5:4

A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?

Jeremia 35:15

N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

Matiu 21:38

Nɛra la aa dena na o bie la, ba den ŋɔ, ‘Yoowa, koo te la ɡbaɡba biee la. Hé ɡel ya lawɔ dɛ́ kpoo, ásɛ o mɛɛ kapɛrɛ la bwa berɛ ya kwa.’

Matiu 21:40

Asɛ Yeesu pɛɛ ba ŋɔ, “Dɛ koo te la kaa ba naa, ɛrɛɛ wɛɛ ba a ɡɛ nɛra la baa dɛ nyiŋi koo la ta la ɛɛ yɔ?”

Matiu 21:41

Anee ba chaŋo ŋɔ, “O balaa, wɛɛ ba kpoo nɛnchɔɡa la bwaa, dɛ́ kpɔ koo la tɛ nɛnfala, banɔ la dɛ ba komɛ daa nɔna la aa, baa dɛ ba on o dibɔr tɛɛ.”

Matiu 22:3

O tomɛ o bonɔɔna ŋɔ bá ka yerɛ nɛra waa yer ba ŋɔ bá ba di hanfale kondikwaa la, asɛ ba sie ta on sui dɛ vɛh bala.

Amanesoma Mak Aa Chwera Tɔn 12:1

Yeesu kpɔ sɛɡla bol waa baɡle nɛra la dɛ ŋɔ, “Baa bɛlee fa lole dɛɛ parɛ daa baa kpɔ a nɔna dɛɛ ɛ sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela, bá so o ta dɛɛ daah koo la, dɛ kpɔ nɛra báa ɛ koo la toma, a koma telaa, bá dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Amanesoma Mak Aa Chwera Tɔn 12:7

Nɛra la aa na o bie la la, ba den ŋɔ, ‘Yoowa, baa la ɡbaɡba biee la. O mɛɛ toole naa, on dɛɛ ba o kapɛrɛ dii. Hé ɡel ya kpoo, ásɛ dɛ o mɛɛ baa sewaa, dɛ kwaa la ɛ ya kwa.’

Amanesoma Mak Aa Chwera Tɔn 12:9

Asɛ Yeesu bɔɔ ba ŋɔ, “Ɛrɛɛ hɛɛ lii kɛŋɔ a ɡɛ koo te nɔ ɛɛ ɛɔ wɔ? Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.

Amanesoma Luk Aa Chwera Tɔn 20:9

Yeesu kpɔ sɛɡla bol waa baɡle nɛra la, dɛ ŋɔ, “Baa bɛlee fa lole dɛɛ parɛ daa ane baa kpɔ a nɔna dɛɛ daa sen. O kpɔ nɛra baa ɛ koo la toma, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta dɛɛ tɛo, dɛ kaa harɛ bɛl ta, dɛ ka biɡri.