Matiu 21:28 - mzwDBL

²⁸ Yeesu berɔ ŋɔ, “Hé no waa nɔ, dɛ́ baɡle ɡɛ haa naa. Baa bɛlee ira dɛ dɔ bibaala banɛ. Awola bɛl, o la o binomoa la be dɛ ka ŋɔ, ‘N bie, fini la n koo la ta ka ɛ toma.’ Anee o bie la ŋɔ,

Matiu 21:28 ပူးပေါင်းရင်းမြစ်များ

Nɛra Kura 10:30

Anee Hobab chaŋe ŋɔ, “Akai, maa la. Mɛɛ berɔɔ kaa n harɛ ta n nɛra be.”

Matiu 17:25

Anee Pita ŋɔ, “Ɔɔh, o dɛ bɔ.” Pita aa jo dem bini la, Yeesu den tɔ sie pɛɛro, “Seemɔn, bamewaa bɔ toɔ dɛɛ tɛ harɛ nɔ ta koranar ɔ? Ba ɡbaɡba bii kɛɛ hɔɔhra ɔ? Ɛrɛɛ he na nɔ?”

Matiu 20:1

Yeesu berɔ ŋɔ, “Korowii Kora la do kɛŋɔ paa bɛl ne o tom-ɛɛra bane wa. Paa la iro chɔmbibi dɛɛ nyin tom-ɛɛra bá ka ɛ toma o koo ta dɛ́ lɛ suuɡa.

Matiu 21:27

Anomanta, ba ŋɔ Yeesu be ŋɔ, “Yaa jemɛ.” Anee Yeesu ŋɔ ba be ŋɔ, “Dɛ haa jemɛ te naa, n ɡe aa heyaa kpeɡri maa dɔa dɛɛ ɛ ɡɛ toma nɔɔ baɡle.”

Matiu 21:29

‘Maa la,’ asɛ a habɔɔ la, o berɛ charɛ o liire dɛ ka ɛ toma koo la ta.

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Matiu 22:17

Anomanta, chaɡle yaa ɡɛ haa na waa nɔ yá jemɛ. Ya mmarare dɛ tɛ yaa ŋwɛnɛ kɛ ya bɔ toɔ dɛɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Amanesoma Luk Aa Chwera Tɔn 13:4

Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?

1 Kɔrent 10:15

He ɛ wejerema, anomanta, hé nyiŋi waa nɔ maa bola nɔ bini dɛ́ na.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.