Matiu 21:16 - mzwDBL

¹⁶ Anomanta, ba pɛɛ Yeesu ŋɔ, “He dɛ no ɡɛ bechale nɔ aa dɛ si nɔ kenɛ?” Anee Yeesu ŋɔ, “Ɔɔh, n dɛ no. He ta Korowii Tɔn la bela baa chwera ŋɔ, ‘Bechale ne bechasɔɔhne nyoaa he kpɔ he kpɛɛra do’ la kure ka kɛɛ?”

Matiu 21:16 ပူးပေါင်းရင်းမြစ်များ

Yela 8:2

Bechale ne bifola bwa ɡo yela dɛɛ kpɛɛre he dɔma wa, dɛ ɡel dɔma ne nɛra baa kpɔ waa dɛɛ bɔ waa kem la nyoa sɔɔh.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 12:3

Anee Yeesu chaŋ ba ŋɔ, “He ta kure na ɡɛ ya naa Devid aa ɛa ɡɛ saŋ lɔr aa dɛ kpo o ne o nɛra la kɛɛ?

Matiu 19:4

Anee Yeesu chaŋ ba ŋɔ, “He ta Korowii Tɔn la kure no kɛɛ? Korowii waa ta kwaa bwa la, waa dɛ ba nɛwɛnyini tae la, baa ne haahnee o ta,

Matiu 22:31

Nɛra seo ta ira ɡe la nɔ, he ta ɡɛ Korowii aa bol he be la kure dɛ no a mun kɛɛ?

Amanesoma Mak Aa Chwera Tɔn 13:17

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo!

Amanesoma Mak Aa Chwera Tɔn 2:25

Belaa Yeesu ŋɔ, “He ta ɡɛ ya naa Devid aa ɛa saŋ la Abiata aa ɛ Sɔfonomoa la kure kɛɛ? Gɛ saŋ la Devid nyao, asɛ lɔr ɛɛ kpo o ne nɛra baa ja o nɛɛ la.

Amanesoma Luk Aa Chwera Tɔn 21:23

Ei! Aa do kpeɡrii tɛ tekpoŋra ne haahna baa kpoŋe bechasɔɔhne a ɡɛ saŋ nɔ noo! Dɛkalkɛŋɔ nɛra ɛɛ na wahala harɛ nɔ ta kohonaa, asɛ Korowii baah di ba nɛɛ o tɛr ba deŋne.