Matiu 21:15 - mzwDBL

¹⁵ Sɔfonomonome ne Tɔnjerema la aa na wejena waa dɛ ɛ la ne ɡɛ bechale la aa dɛ si ŋɔ, “Woowo! Devid Naa hen” la, ba baah di o nɛ.

Matiu 21:15 ပူးပေါင်းရင်းမြစ်များ

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Matiu 20:24

Yeesu habɔteŋra fi la aa kaa la, ba no waa Sebedii bii la aa ɛa la, ba baah di ba nɛɛ kɛrɛdɛ.

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Matiu 22:42

“Ɛrɛɛ hɛɛ lii Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laɔ? He dɛ lii kɛ ume naa yɔ?” Anee ba ŋɔ, “Devid naa.”

Matiu 26:3

Anee Sɔfonomonome ne bwɛɛ nomonome ka cheme Sɔfonomoa Kaefas dem,

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Matiu 27:20

Jaah dɛ Sɔfonomonome ne bwɛɛ nomonome la do nɛnlaa la bwa ŋɔ bá ŋɔ Barabasee baa nyin kɛ Paelet foo ta ásɛ dɛ kpo Yeesu.

Matiu 9:27

Yeesu aa le bela dɛɛ kaa la, nyoŋa banɛ bane no o ɡbɔɡa, dɛ ir teŋɛ o nɛɛ dɛɛ yerɔ dɛɛ ŋɔ, “Devid Naa, na ya sum!”

Amanesoma Mak Aa Chwera Tɔn 11:18

Sɔfonomonome ne Tɔnjerema la aa no a ɡɛ waa nɔ la, belaa ba pa mun dɛɛ nyin ŋwɛnɛ dɛ́ kpo Yeesu. Dɛ ba dɛ ɔmɔ, dɛkalkɛŋɔ dɛ o webaɡla dɛ kpo nɛra bwa nyoa.

Amanesoma Luk Aa Chwera Tɔn 20:1

Awola bɛl, dɛ Yeesu lɔ Korowii Dea dɛɛ baɡle nɛra wa, dɛɛ bol Amanesoma la, asɛ Sɔfonomonome ne Tɔnjerema ne bela nomonome la ba o be,

Amanesoma Luk Aa Chwera Tɔn 22:2

dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ che o ta kpo Yeesu, kɛ dɛ ba dɛ ɔmɛ bela tena la.

Amanesoma Luk Aa Chwera Tɔn 22:66

Tɔ aa pera la, ba kpɔ Yeesu ka cheme Juu tena nomonome baa dɛ bol waa dɛɛ pa bole ne Sɔfonomonome ne Tɔnjerema sie,

Amanesoma Jɔn Aa Chwera Tɔn 11:57

Dɛ Sɔfonomonome la ne Farisii tena la te dɔɔ bol ŋɔ, dɛ nomɛlbwa jemɛ bela waa lole naa, ó baɡ ba ásɛ ba ka lawɔ.

Amanesoma Jɔn Aa Chwera Tɔn 12:19

Belaa Farisii tena la bol dɔŋa be ŋɔ, “Hɛlaa yaa hɛlɛ la! Yaa won ɛo wobɛlbwa noo! Na nɛra bwa aa wura teŋɛ o nɛɛ ɡɛ!”

Amanesoma Jɔn Aa Chwera Tɔn 4:1

Farisii tena la noɔ kɛŋɔ Yeesu berɔ dɛɛ dɔ nɛra kohona dɛɛ sɔ nɛra Korowii nee kohona dɛɛ ɡwaa Jɔn.

Amanesoma Jɔn Aa Chwera Tɔn 7:42

Korowii Tɔn ta baɡlɛ kɛŋɔ Kristo la ɛɛ ɛ Devid naanar la bɛlee dɛ le o bwɛɛ Bɛtlɛham aa?”