Matiu 20:6 - mzwDBL

⁶ Aa baa ka tamaa ken wee jo la, o berɔ ka na nɛra bane kɛ ba ɡe aa cheɡɛ fɔɡbaah pɛɛpɛɛ. Anee o pɛɛ ba ŋɔ, ‘Ɛrɛ waa fini bwa he che bonɔ dɛɛ chɔɡ pɛɛpɛɛ nɔɔ?’

Matiu 20:6 ပူးပေါင်းရင်းမြစ်များ

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

We-ɛɛla 17:21

Dɛ Atens tena ne ba hɔɔhra tomaa wefala bola ne wefala pɛɛra dɛ́ no.

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Ɛsekeɛl 16:49

Wechɔɡa he nime Sodom aa dɛ ɛ laanee nɔ. O ne o bihaahna dɔ mbarafo, ba dɔɔ kohona dɛɛ di ba waane laa nomɛlbwa wa. Ba ta nyaara ne nɛra aa hiah ba chae.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Matiu 20:5

Asɛ ba no o be dɛ kaa. Gɛ saŋ wee aa baa che nyufala, ne wekee saŋ la, o berɔ na tom-ɛɛra la bane ɡe ja, dɛ bol ba ɡe be ɡɛ waa bol banɔ la be la, asɛ ba ɡe kaa koo la ta.

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’

Matiu 20:9

Banɔ la baa ba toma la ta dɛ wee dɛ ba joe la bɛlbwa dɔ denaare beŋkpoŋ.