Matiu 20:21 - mzwDBL

²¹ Anee Yeesu pɛɛ haah la ŋɔ, “Bɔkwaa hɛɛ nyin kɛ ń ɛ tɛɛ nɔ?” Belaa haah la chaŋo ŋɔ, “Baɡ mɛ nyoa kɛ dɛ he baa di kora aa, hɛɛ ɡeloo n bii banɛ nɔ bɛl so he diɡ ta, bɛl ɡe so he ɡal ta.”

Matiu 20:21 ပူးပေါင်းရင်းမြစ်များ

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Ɛsta 5:3

Kooro bɔɔro ŋɔ, “N haah Ɛsta, a som tenaa? Bɔkwaa hɛɛ nyin ɔ? Wobɛlbwa haa dɛ nyin la, mɛɛ ɛo tɛɛ. Hale harɛ maa dɛ di kora o ta nɔ peraa hɛɛ nyin kwaaraa naa, mɛɛ tɛɛ.”

Matiu 18:1

A ɡɛ saŋ la Yeesu habɔteŋra la bwa ba o be dɛ ba pɛɛro ŋɔ, “Ya bini umee ɡwaa ya bwa dɛ ɛ nomoa Korowii Kora la ta nɔ?”

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

We-ɛɛla 1:6

Ba ne waa baa cheme la, ba bɔɔro ŋɔ, “Ya Dɔɔ, taraken te hɛɛ ɡeloo ya Israel tena berɛ di ya kora la ɡba ɔ?”

Amanesoma Mak Aa Chwera Tɔn 6:22

Asɛ Hɛrɔdeas bihaah ba dɛ ba sa, o waa lɛ kooro la ne nɛra o ne baa cheme bela la sie. Anee kooro la ŋɔ tolo la be ŋɔ, “Baɡle kon haa dɛ nyin ásɛ n kpɔ tɛɛ.”

Matiu 20:32

Anee Yeesu jaɡɛ che, dɛ yer ba dɛ pɛɛ ba ŋɔ, “Bɔkwaa hɛɛ nyin kɛ ń ɛ tɛ heya ɔ?”

1 Koranar 3:5

Waa lɔ Gebeɔn bela la, Korowii ba o be jwaana deera ta dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

Kolosi 3:1

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

Amanesoma Jɔn Aa Chwera Tɔn 15:7

Hé kpɔ he te pɛl mɛ asɛ n webaɡla ɡe do he liire bini naa, he dɛ soŋe komɛlbwa haa dɛ nyin aa, hɛɛ dɔɔ.

Amanesoma Luk Aa Chwera Tɔn 22:24

Webeɡra berɔ ba chole o habɔteŋra la baah ta kɛ ba bini umee ɛ ba bwa nomoa ɔ?

Amanesoma Luk Aa Chwera Tɔn 19:11

Dɛ ba dɛ tel Jerusalam, asɛ nɛra la ɛɛ lii kɛŋɔ Korowii Kora dii tɔpere la denɔ dɛɛ ba bala. Baa dɛ no o be la, Yeesu berɔ bol waa sɛɡla ne ba be.

Amanesoma Luk Aa Chwera Tɔn 18:41

“Bɔkwaa hɛɛ nyin kɛ ń ɛ tɛɛ nɔ?” Asɛ baa la ŋɔ, “N Dɔɔ, n poori, ɡel ń berɛ dɛɛ na ja.”

Amanesoma Mak Aa Chwera Tɔn 10:51

Belaa Yeesu bɔɔro ŋɔ, “Bɔkwaa he ŋɔ ń ɛ tɛɛ nɔ?” Asɛ nyoŋe la ŋɔ, “Nomoa, n dɛ nyin ń won dɛɛ na.”

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Yela 45:9

Koranar bihaahna ja haahna baa dɔ jirima, dɛ do he dem nɛ, asɛ hanfale do kwaa baa kpɔ suuɡaswɛm tenten ɛa, dɛ che he diɡ pera.

Tɔn Pɔɔl Aa Chwerɛ Rom Tena 8:34

Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

1 Koranar 2:19

Ate, Batsiiba la Kooro Solomɔn be ŋɔ o dɛ la ka bol Adonija waa la tɛo. Kooro iro ka chemo, dɛ ɡuŋu harɛ dɛ berɛ ka so o kookara ta. Ba kpɔ kookara bɛl ɡe ka cheɡ kooro nomombɔr diɡ ta, asɛ o nya ka so o ta.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”