Matiu 20:20 - mzwDBL

²⁰ Asɛ Sebedii haah ne o bii ba, dɛ ba ɡuŋi Yeesu sie dɛ soŋo ŋɔ, ó ɛ waane tɛɛ ba.

Matiu 20:20 ပူးပေါင်းရင်းမြစ်များ

Matiu 8:2

Asɛ baa bɛl weechɔɡa aa ɛ o bwara ba, dɛ ba ɡuŋi o sie dɛ ŋɔ, “N Dɔɔ, hɛɛ sɛoh waa, hɛɛ wonoo ɡel n bwara kwaa.”

Matiu 4:21

Waa dɛ kaa sie la, o berɔ ka na Sebedii bii banɛ, Jems ne o nime Jɔn, dɛ ba ne ba mɛɛ lɔ ɡbera bini dɛɛ tɔɔɡe ba asauri, asɛ Yeesu yer ba.

Matiu 27:56

Ba bini banee Mɛɛre waa le Maɡdala la, ne Jems ne Josef nya Mɛɛre, dɛ Sebedii bii la nya.

Amanesoma Mak Aa Chwera Tɔn 15:40

Dɛ haahna bane ɡe cheɡɛ bojaŋ dɛɛ nyiŋi. Ba bini banee Mɛɛre waa le Maɡdala la, ne Jems Bechala ne Josis nya Mɛɛre, ne Salome.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.

Matiu 28:17

Baa nao la, ba duuru, kɛ dɛ bane dɛ tɔŋle ŋɔ Yeesu laa ba na la.

Matiu 15:25

Haah la den ba ɡuŋi Yeesu sie dɛ ŋɔ, “Cha mɛ, Nomoa.”

Matiu 14:33

Yeesu habɔteŋra baa lɔ ɡbera la bini la ɡuŋu dɛ ŋɔ, “Kasinteŋ, henee Korowii Bie la kpela.”

Matiu 10:2

Yeesu toroma fi dɛ banɛ la waa kpɔ ba laanee nɔ. Seemɔn waa pa o sɔn Pita la ne o nime Andriu, ne Jems ne o nime Jɔn baa ɛ Sebedii bii la,