Matiu 19:28 - mzwDBL

²⁸ Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 19:28 ပူးပေါင်းရင်းမြစ်များ

1 Koranar 18:31

Elaeja pa bwea fi dɛ anɛ, bɛlbwa che tɛ Jekɔb bii fi dɛ banɛ baa cheɡa tɛ Israel deene la. Dɛ Korowiirii pa Jekɔb sɔn Israel.

2 Webena 9:19

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

Ɛsra 6:17

Dea la kpɔe dɛ do Korowii nɔn ta la, ba kpɔ nabala lafa ne pebala lafraanɛ, dɛ pebali lafraanaarɛ ɛ sarahare, dɛ berɛ kpɔ bombala fi dɛ anɛ, bɛlbwa che tɛ Israel deene fi dɛ anɛ la, dɛ kpɔ ɛ wechɔɡa kpɔe dɛ kɛ saraha tɛ Israel tena bwa.

Kaala 15:27

Ba berɔ ba tel Elim. Buli fi dɛ anɛ dɛ bambie daa fifraanuanɛ lɔ bela, asɛ ba baŋre ba tɛnte deene nee la jwɛɛh bela.

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Kaala 28:21

A bwa ɛ bwea fi dɛ anɛ, beŋkpoŋ che tɛ Jekɔb bibaala la bɛlbwa. Ɛ bɛlbwa sɔn dawɛ ó che tɛ o dea.

Aesaya 65:17

Korowii ŋɔ, “Mɛɛ ta nyundufale ne harɛfalee. Haa webena a fa aa lole la waa lii kpa bwa.

Aesaya 66:22

Korowii ŋɔ, “Gɛ harɛfale la ne nyundufale maa dɛ́ ba tae a che n kpeɡri ta dɛ́ che kiŋkiŋ la, ɡɛɛ he ne he naanar sɔna ɛɛ ba cheɡa.

Lewi Dea Tena 24:5

Kpɔ men aa kpera kɛrɛdɛ ɛ paanoo fi dɛ anɛ. Kuruware anɛɛ chɛ kɛ hé kpɔ ɛ paanoo la beŋkpoŋ bɛlbwa.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 19:27

Anee Pita chaŋe Yeesu ŋɔ, “Nyiŋi na, ya te ɡel komɛlbwa yaa dɔa dɛ ba teŋɛ he nɛ. Bɔkwaa yaa ba dɔe yɔ?”

Matiu 20:21

Anee Yeesu pɛɛ haah la ŋɔ, “Bɔkwaa hɛɛ nyin kɛ ń ɛ tɛɛ nɔ?” Belaa haah la chaŋo ŋɔ, “Baɡ mɛ nyoa kɛ dɛ he baa di kora aa, hɛɛ ɡeloo n bii banɛ nɔ bɛl so he diɡ ta, bɛl ɡe so he ɡal ta.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Amanesoma Mak Aa Chwera Tɔn 10:37

Belaa ba chaŋe ŋɔ, “He baa di he kora waa dɔ jirima dɛ so he kookara ta naa, ya dɛ nyin kɛ he ɡel ya so pɛle, bɛl so he diɡ ta, bɛl ɡe so he ɡal ta.”

We-ɛɛla 3:21

A chɛ kɛŋɔ Yeesu do nyundua dɛ́ ka tel tɔɔ la wee Korowii aa ɛ wobɛlbwa kɛrɛdɛ ken, ɡɛ waa ɡela o keamere la baɡle la.

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

Josua 3:12

Name, hé le nɛmbeŋkpoŋa le ya Israel deene fi dɛ anɛ la bɛlbwa ta.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

Wepila 11:16

Asɛ nomonome fifraanɛ dɛ banaarɛ baa soɡe ba kookane ta Korowii sie la ir, dɛ ɡuŋi dɛ kpɔ sie pi harɛ dɛɛ duuru,

Wepila 12:1

N na wejena ane aa ɛ nyokpo wa dɛɛ baɡle waane Korowii doa. Haah bɛl kpɔ wee tɔ, dɛ kpɔ korobie ɡe do o nakpale lɔɡre, dɛ ɡuɡri weweela fi dɛ anɛ pi o nyu, kɛŋɔ kooɡbɛrɛ ken.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 4:4

N na kookane fifraanɛ dɛ anaarɛ a bar o kookara la cheme. Nomonome fifraanɛ dɛ banaarɛ do laalapoŋa dɛ pi suuɡaswɛm kooɡbɛrɛre dɛ so a ta.

Wepila 7:4

Ba baɡle nɛra baa do ba nso la nyoa n be. Ba lɔ kaɡboŋa lafa fifraanaarɛ dɛ banaarɛ. Israel deene fi dɛ anɛ la taa ba le.