Matiu 19:24 - mzwDBL

²⁴ N dɛ ŋɔ he be ja kɛŋɔ, aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”

Matiu 19:24 ပူးပေါင်းရင်းမြစ်များ

Amanesoma Jɔn Aa Chwera Tɔn 5:44

He dɛ nyin sɔn dɔŋa be, kɛ a ta wehiah ɛɛ tɛ heyaa kɛŋɔ hé nyin sɔn Korowii te be. He do ken aa, ɛrɛɛ hɛɛ ba wona dɛ yarada mɛ nɔ?

Amanesoma Luk Aa Chwera Tɔn 18:25

Aa do pwɛree tɛ nyoɡma kɛŋɔ ó won jo tɔɔɡe bɔɔ ta, ɡwaa kɛŋɔ dɔɔh naa wona ja Korowii Kora la ta.”

Matiu 19:26

Yeesu ha sie nyiŋ ba dɛ ŋɔ, “Nɛwɛnyini bee a do kpeɡri, kɛ Korowii be te, wobɛlbwa aa kpeɡe.”

Jeremia 13:23

Itiopia te ɛɛ won charɛ bwadabi aa? Kɛɛ noniete ŋɔ waa nyin kɛ o bwara lɛɡre aa? Gɛɛ he nɛra wechɔɡa aa jooɡe heyaa nɔ aa wola won ɡel hɛɛ ɛ wedɛɛɡa.

Matiu 23:24

Nyoŋa haa dɛ tɔ nɛra sie dɛɛ maŋkura wejeɡre ɡwaa anjena! He waa haa dɛ ɛ la do kɛŋɔ nɛn o yon nyiŋi o nenyɔɔle ta, dɛ́ won na pereware dɛ́ laa kpɔ ta, kɛ dɛ nyoɡma te lɔ a ta naa, waa o te na, dɛ yon kpɔ lile.

Matiu 19:25

Yeesu habɔteŋra la aa no ɡɛ la, ba nyoa kpoo, baa pɛɛ dɔŋa ŋɔ, “Amɔ te umee dɛɛ ba o nyu dɔe yɔ?”

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.