Matiu 19:21 - mzwDBL

²¹ Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Matiu 19:21 ပူးပေါင်းရင်းမြစ်များ

Amanesoma Mak Aa Chwera Tɔn 10:21

Yeesu nyiŋu, o sie lɛ o nɛ, dɛ ŋɔ o be ŋɔ, “A ka he webeŋkpoŋ. La ka yoɡ kwaa haa dɔa bwa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kondɔɔh cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

We-ɛɛla 2:45

Dɛ ba dɛ yoɡ ba koŋkwaare ne harɛre dɛ kpɔ a suuɡa la dɛɛ bɔne dɔŋa ɡɛ bɛlbwa aa hiah, ásɛ bɛlbwa won yawɛ o konnyina.

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Luk Aa Chwera Tɔn 9:23

O berɔ ŋɔ ba bwa be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te tɛ tɔpere bɛlbwa kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Matiu 5:48

A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 16:24

Asɛ Yeesu ŋɔ o habɔteŋra la be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Amanesoma Luk Aa Chwera Tɔn 6:40

Nɛn waa dɛ hweli toma la ta o dɔɔ ɡwaalɛ, kɛ dɛ o dɔɔ hweli toma dɛ jemɛ tonɛ kwaraa naa, o ne o dɔɔ ɛ kɛrɛdɛ.

Amanesoma Luk Aa Chwera Tɔn 5:27

Anɔ habɔɔ la, Yeesu valɔ baa kaa dɛ na nomɛl waa soɡe o toma ta dɛɛ lɛ toɔ. Dɛ o sɔne Lewi. Yeesu aa nao la, o ŋɔ o be ŋɔ, “Ir ba teŋɛ n nɛ.”

Amanesoma Mak Aa Chwera Tɔn 8:34

Belaa o yerɛ nɛnlaa ne o habɔteŋra la dɛ ŋɔ ba be ŋɔ, “Dɛ nomɛlbwa dɛ nyin kɛ ó teŋɛ n nɛ aa, ó ɡel o tetookwaa nyina, dɛ́ kpɔ o te kɛ wɛɛ sɛh wahala nae ne seo bwaa, dɛ́ ba teŋɛ n nɛɛ kɛŋɔ nɛn waa kpɔ daɡaɡre che bá ka kpaaro pɛl o ta la,

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Hibru 10:34

He na nɛra baa do ba dea la sum, dɛ cha ba ba wahala nae ta. Ba lɛ he kwaa haa dɔa bwa, kɛ he sie ta kie. He sie lɛo, dɛkalkɛŋɔ he jemɔ kɛ he dɔ komɛl waa wola jaɡa dɔe dɛ ɡwaa anɔ la haa paŋa la.

Amanesoma Mak Aa Chwera Tɔn 2:14

Waa vala baa kaa la, o na baa bɛl waa soɡe o toma ta dɛɛ lɛ toɔ, baa yerɔ Lewi, o mɛɛ ɡe sɔne Alfeɔs. Anee Yeesu ŋɔ o be ŋɔ, “Ba teŋɛ n nɛ.” Asɛ o ir dɛ teŋɛ o nɛ.

Matiu 8:22

Anee Yeesu chaŋo ŋɔ, “Hé te teŋɛ n nɛ, dɛ́ ɡel nɛra baa wola Korowii mkpa dɔe, dɛ do kɛ nɛra baa sewa Korowii ta la ɛɛ huɡe ba dɔŋa.”

Matiu 4:19

Anee Yeesu ŋɔ ba be ŋɔ, “Hé ɡel he pɛŋa la nyina dɛ́ ba teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.”

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 6:9

Kenii Nowa bwara waa do. Waa ira ɡɛ saŋ la, dɛ o ɡboo ɛ nomɛl o wa aa toɡra, wechɔɡa bɛlbwa aa wola toole o nɛ. Anomanta, o ne Korowii kpɔ darame.

Matiu 19:20

Baa la ŋɔ, “Waa nɔ te bwa, n dɛ teŋɛ a ta. Amee ka mɛ jaɔ?”

Matiu 19:22

Baa la aa no ɡɛ Yeesu aa bola la, o tea bini chɔɡɔ, o laa berɛ kaa, dɛkalkɛ dɛ o dɔ kondɔɔh taeh.