Matiu 19:17 - mzwDBL

¹⁷ Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”

Matiu 19:17 ပူးပေါင်းရင်းမြစ်များ

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Yela 119:68

He waa wer, he wobɛlbwa ɡe wer, chaɡ mɛ he waa la.

Yela 52:1

Nomonjen, ɛrɛɛ hɛɛ baɡle he te wechɔɡa ɛɛ ta nɔɔ? Korowii nyina waa dɛ nyin yaa, lole saŋ bɛlbwa.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Lewi Dea Tena 18:5

Hɛɛ teŋɛ me Mmarare ne waa maa dɛ do heyaa a ta la bwa ta. Nomɛlbwa waa dɛɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta. Men Korowiirii bola.

Tɔn Pɔɔl Aa Chwerɛ Rom Tena 10:5

Kenii Mosis bol nɛra baa dɛ nyin ba che Mmara ta teŋa ta ásɛ ba waa su Korowii siwi la wa. O ŋɔ, “Nomɛlbwa waa dɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta.”

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

1 Jɔn 4:16

Anomanta, ya ɡbabir jemɔ kɛŋɔ Korowii dɛ nyin yaa, dɛ kpɔ siwi dawɛ o nyina la nɛ. Korowiirii nyina bwa Dɔɔ. Nomɛlbwa waa dɛ nyin nɛn la, o kpɔ o te dɛɛ pɛl Korowii, asɛ o lawɔ dɛɛ pɛl o nɛ.

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.