Matiu 18:9 - mzwDBL

⁹ Dɛ he siwi ɡee neɡree he ɛ wechɔɡa aa, fomo ta. Haa dɔ siwi beŋkpoŋ, dɛ ba dɔ Korowii mkpa bɔ kɛŋɔ, haa dɔ sibie anɛ dɛ kaa Bɔnsam nii aa wola dime bwa la ta.”

Matiu 18:9 ပူးပေါင်းရင်းမြစ်များ

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Matiu 18:8

Dɛ he nɔn kɛɛ he nakpala ɛɛ neɡree he ɛ wechɔɡa aa, teŋo ta. Haa dɔ nɔmbeŋkpoŋ kɛɛ nakpabeŋkpoŋ, dɛ dɔ Korowii be kaa bɔ kɛŋɔ, haa dɔ nɔɔra anɛ kɛɛ nakpale anɛ, dɛ kaa Bɔnsam nii aa wola dime bwa la ta.

Matiu 19:17

Anee Yeesu ɡe berɛ pɛɛro ŋɔ, “Ɛrɛ waa hɛɛ pɛɛ mɛ wedɛɛɡa ɛɛ waa nɔɔ? Korowii ɡbosoo ɛ nɛndɛɛɡe. Kɛ dɛ he dɛ nyin kɛŋɔ he dɔ mkpa aa wola jaɡa dɔe bwa te naa, dɛɛ ɛ waa Korowii Mmarare la aa dɛ chaɡle la.”

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Matiu 5:29

Anomanta, dɛ he diɡ siwi ɛɛ ɡeloo he ɛ wechɔɡa aa, fomo ta! He fomo ta kwaraa bɔ kɛ haa kpɔ sibie anɛ kaa Bɔnsam nii ta.

Amanesoma Mak Aa Chwera Tɔn 9:47

Dɛ he siwi ɡe ɛɛ ɡeloo he ɛ wechɔɡa aa, fomo ta, dɛkalkɛŋɔ he kpoŋe siwi beŋkpoŋ dɛ ja Korowii Kora ta bɔ kɛŋɔ, haa kpoŋe sibie anɛ dɛ kaa Bɔnsam nii ta,

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Wepila 21:27

Kɛ komɛlbwa doŋa te bɛlbwa aa lɔ o nɛɛ la aa won jo bela, ɡɛɛ nomɛlbwa ɡe waa dɛ ɛ sihihwaa dɛɛ teŋe nyosone la bɛlbwa ɡe aa wola won jo bela. Nɛra baa chwerɛ ba sɔna do Pebie Mkpa Tɔn la bini la, banee dɛ́ won jo bela.