Matiu 18:23 - mzwDBL

²³ Anomanta, Korowii Kora waa la do kɛŋɔ kooro bɛl ne o bonɔɔna wa. Kooro la iro dɛ ŋɔ o bonɔɔna ba baɡle ba toma ɛɛ bini ó na.

Matiu 18:23 ပူးပေါင်းရင်းမြစ်များ

Matiu 13:24

Yeesu kpɔ sɛɡla bol waa chaɡ ba ja dɛ ŋɔ, “Kenii Korowii Kora la do. Baa bɛlee ira dɛ ka merɛ mea o koo ta.

Matiu 13:31

Yeesu kpɔ sɛɡla bol waa chaɡ ba ja dɛ ŋɔ, “Kenii Korowii Kora la do. Baa bɛlee ira dɛ kpɔ daa bɛl baa dɛ yerɔ mastad bii dɛ ka du.

Matiu 13:33

Yeesu kpɔ sɛɡla bol waa chaɡ ba ja dɛ ŋɔ, “Kenii Korowii Kora la do. O do kɛŋɔ haah bɛl aa ira dɛ kpɔ iisi tama ka koo men loɡbaa del ta, asɛ a won ɡel men la bwa uɡe.”

Matiu 13:47

Korowii Kora la dor bɛl ɡee nɔ. Nɛra bane baa dɛ ɛ nee toma kaa ta dɔɔh moo ta, dɛ lawɛ pɛŋe te bɛlbwa siwi.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 18:24

Waa pa mun dɛɛ nyiŋi ba toma ɛɛ bini la, a taa o na kɛ bonɔɔna la bɛl di o kem suuɡa aa wola nyoa dɔe.

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Matiu 25:14

Yeesu berɔ ŋɔ, “Awola Men Nɛn Bie la aa ba la, kenii Korowii Kora la ɛɛ ba doe. Baa bɛlee ira dɛɛ ba o ŋwɛnɛ bɛl kaala, dɛ yerɛ o bonɔɔna dɛ kpɔ o suuɡa bwa do ba nɔn ta.

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Tɔn Pɔɔl Aa Chwerɛ Rom Tena 14:12

Anomanta, ya bɛlbwa ɛɛ baɡle o toma waa ɛa Korowii siee.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.