Matiu 18:20 - mzwDBL

²⁰ dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Matiu 18:20 ပူးပေါင်းရင်းမြစ်များ

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Ɛsekeɛl 46:10

Kooro la chɛ kɛ ó ja ba nɛɛ jo, ba dɛ le ɡe aa, bá bwa pɛ le.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Matiu 18:21

Anee Pita ba bɔɔ Yeesu ŋɔ, “N Dɔɔ, kera aŋwɛnɛɛ chɛ kɛŋɔ dɛ n dɔŋ ɛɛ mɛ wechɔɡa aa, ń kpɔ kɛo wɔ? Kera anuanɛ kɛɛ?”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Jɔn Aa Chwera Tɔn 20:19

Awola Kwasiara la jwaana la, Yeesu habɔteŋra la cheme dea bɛl bini. Dɛ ba dɛ ɔmɛ Juu tena, anomanta, ba tɔɔɡe ɡbeni la dɛ laa karɛ ba nɛ. Belaa ba ŋɔ ba nyiŋi, dɛ Yeesu baa che ba baah dɛ ŋɔ, “Kórowii tɛ heyaa bosɔɔhna.”

Amanesoma Jɔn Aa Chwera Tɔn 20:26

A yawanyoa la, Yeesu habɔteŋra la berɔ ba cheme dea la bini ja, dɛ Tɔmas ja ba nɛ. Ba kaɡre dea la ɡbeni, kɛ Yeesu baa jo che ba baah, dɛ ŋɔ, “Kórowii tɛ heyaa bambisɔɔhna!”

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

1 Kɔrent 5:4

Dɛ he baa cheme ya Dɔɔ Yeesu sɔn ta, o kpeɡri do he nɛ, n ɡe liire do he bini naa,

1 Tesalonika 1:1

Men Pɔɔl ne Silas ne Timotii chwerɛ tɔn nɔ dɛɛ tɛ he nɛra haa ɛ asɔre tena dɛ do Tesalonika dɛɛ tomɛ N Naa Korowii ne ya Dɔɔ Yeesu Kristo la. Kórowii cha heya, dɛ tɛ heyaa bosɔɔhna.

Faelemɔn 1:2

ne ya nimambie Afia, ne ya dɔŋ Akipus ya ne waa cheɡa dɛ yo dɛɛ tɛ Korowii o toma nɔ ta la, ne asɔre tena baa dɛ cheme he dem la bwa.

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.