Matiu 18:16 - mzwDBL

¹⁶ Kɛ dɛ o ŋɔ waa sɛh kɛ o ɛ wechɔɡa aa, ka nyin nɛmbeŋkpoŋ kɛɛ banɛ ja he nɛ, ásɛ he ne ba la o be, dɛkalkɛ nɛra banɛ kɛɛ batoro danseɛ ɛ kasinteŋ.

Matiu 18:16 ပူးပေါင်းရင်းမြစ်များ

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Nɛra Kura 35:30

Nomɛlbwa waa kpo nɛn la, dɛ baa kpoo waa, á che o nyoa wobol ta mɔɔ ba won kpoo. A ta chɛ kɛŋɔ bá che danseɛ te beŋkpoŋ nyoa wobol ta dɛ́ kpo nomɛlbwa.

Amanesoma Jɔn Aa Chwera Tɔn 8:17

He mmarare la dɛ baɡle kɛŋɔ webeŋkpoŋ nɛra banɛ bwa aa bol la ɛ kpela.

2 Kɔrent 13:1

N tooro tenaa nɔ maa dɛ ba ń ba chɔɔ heya. N balaa, wobɛlbwa nɛra banɛ kɛɛ nɛra batoro aa di danseɛ a ta la, anee mɛɛ ba noe kɛ a ɛ kasinteŋ, ɡɛ Korowii Tɔn aa baɡla la.

Mmarare 17:6

A chɛ kɛŋɔ nɛra banɛ kɛɛ batoro di danseɛ mɔɔ bá kpo a ɡɛ nɛn la. Dɛ nɛn beŋkpoŋ ɡbo di danseɛ aa, he bɛ on kpo.

Mmarare 19:15

Anee Mosis berɛ ŋɔ, “Nɛmbeŋkpoŋ aa won di danseɛ nomɛl wedoŋa kɛɛ wechɔɡa waa ɛa ta, ásɛ ba pao bolchɔɡe a maɡre. A chɛ kɛŋɔ nɛra banɛ kɛɛ batoro di danseɛ mɔɔ.

1 Timoti 5:19

Dɛ nomɛl ba he be dɛ ba kpɔ waa dɛ dawɛ asɔre nomoa bɛl aa, bɛ no nemenɛ nɛn nɛɛte ne toorote baa di danseɛ kɛ waa la ɛ kasinteŋ mɔɔ he no dɛ́ kpɔ ɛ wa.

Hibru 10:28

Nɛn koni Mosis Mmara, asɛ nɛra banɛ ne batoro di danseɛ tiao o waa waa ɛa la ta naa, baa o nɛɛ sune, kpoe baa kpoo.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”