Matiu 18:15 - mzwDBL

¹⁵ Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

Matiu 18:15 ပူးပေါင်းရင်းမြစ်များ

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

Matiu 18:21

Anee Pita ba bɔɔ Yeesu ŋɔ, “N Dɔɔ, kera aŋwɛnɛɛ chɛ kɛŋɔ dɛ n dɔŋ ɛɛ mɛ wechɔɡa aa, ń kpɔ kɛo wɔ? Kera anuanɛ kɛɛ?”

Matiu 18:35

Yeesu aa bol a ɡɛ waa nɔ tonɛ la, anee o ŋɔ, “Dɛ he ɡe ta he bambile bini leɛ dɛ kpɔ he dɔŋa wechɔɡa kɛ ba aa, ɡɛɛ n Mɛɛ waa lɔ nyundua la ɡee ba heyaa ɛɛ.”

Tɔn Pɔɔl Aa Chwerɛ Rom Tena 12:21

He bɛ ɡel liichɔɡa lɛ he lem. Hé kpɔ wedɛɛɡa dɛɛ tɔ wechɔɡa ŋwɛnɛ.

1 Kɔrent 8:12

Dɛ he dɛ ɛ he bala ba yarada aa wola kanɛ Yeesu waa ta la wechɔɡa ken asɛ ba tea bini chɔɡ aa, Yeesu Kristoo hɛɛ ɛ wechɔɡa la.

2 Kɔrent 7:12

Maa chwerɛ heyaa tɔn la la, a ta ɛɛ kɛ naate waa ɛ o dɔŋ wechɔɡa, kɛɛ naate o dɔŋ aa ɛo wechɔɡa waa n chwerɔ. Korowii ɡba nao kɛ n chwerɔ ásɛ he won jemɛ ɡɛ haa dɛ nyin yaa.

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

Kolosi 3:13

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

2 Tesalonika 3:15

N ta ŋɔe ŋɔ hé kpɔɔ berɛ he dɔm te, kɛ hé jao kɛrɛdɛ kɛŋɔ ɡɛ haa dɛ ja he nimanar.

Taetos 3:10

Nɛn waa dɛ ba nɛra baah peɡra ne la, bol waa baɡlo ó ɡel. Dɛ o ta teŋɔ dɛɛ ɛ aa, bol waa baɡlo ja. Dɛ o ta he nɛɛtena waa la noɛ yaa, he ne o bɛ wobɛlbwa ta pɛ.

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,