Matiu 18:13 - mzwDBL

¹³ Dɛ o nao waa, kasinteŋ, o sie ɛɛ lɛ o nɛɛ ɡwaa fifraanuanaarɛ dɛ anuanaarɛ la aa wola nyoɡrɛ la.

Matiu 18:13 ပူးပေါင်းရင်းမြစ်များ

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Aesaya 62:5

Gɛ bonɔmbii yon nyin bitolo waa wola baa jemɛ dɛ lawɔ hanfale la, ɡɛɛ Korowii waa tae ɛɛ ba he jaa ɛɛ. Gɛɛ Korowii sie ɛɛ ba he nɛɛ lɛɛ, kɛŋɔ baa sie yon lɛ o hanfale nɛɛ la.

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Sefania 3:17

Korowii haa dɛ tomɔ la ja he nɛ. O dɔ kpeɡri dɛ́ won lɛ heya. O sie ɛɛ lɛ he nɛɛ kohonaa, dɛ́ che o nyina ta tɛ heyaa mkpafale. Wɛɛ ɡo yelaa dɛɛ hɛɡre he wa.

Matiu 18:12

Dɛ nomɛl dɔ peera lafa asɛ beŋkpoŋ nyoɡre aa, ɛrɛɛ wɛɛ ba ɛɛ yɔ? Wɛɛ ɡel fifraanuanaarɛ dɛ anuanaarɛ la a dibɔr belaa tama, dɛ́ ka ɡaaɡe beŋkpoŋ waa nyoɡra la bɔr.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

1 Kɔrent 13:6

Kasinteŋii dɛɛ lɛ o sie. O sie aa wechɔɡa ta lɛ.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.