11 Nɛra baa nyoɡra la waa Men Nɛn Bie koh ba.
Hé kaa Israel tena baa do kɛŋɔ peera aa nyoɡra la be,
Anee Yeesu chaŋe ŋɔ, “Nɛra baa do kɛŋɔ peera aa nyoɡra dɛ le Israel tena bini la ɡbo waa ba tom mɛ ŋɔ ń ba ɡaaɡe ba bɔr.”
Dɛ nomɛl dɔ peera lafa asɛ beŋkpoŋ nyoɡre aa, ɛrɛɛ wɛɛ ba ɛɛ yɔ? Wɛɛ ɡel fifraanuanaarɛ dɛ anuanaarɛ la a dibɔr belaa tama, dɛ́ ka ɡaaɡe beŋkpoŋ waa nyoɡra la bɔr.
Yeesu no waa baa pɛɛra la, dɛ chaŋ ba ŋɔ, “Weela tenaa hiah tɛɛɡa te, bokpeɡa tena laa.
dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.
He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”
Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”
Asɛ o ne o habɔteŋra la kaa ba sie bwɛɛ bɛl ta.
Ŋwɛɛ balaa, o balɔ dɛ́ ba ŋwɛ dɛ́ kpo dɛ́ chɔɡ kwa. Wedɛɛɡa waa laa wɛɛ ba. Kɛ n te balɔ dɛ ba tɛ heyaa mkpa ásɛ he dɔɔ kɛrɛdɛ.
Dɛ nɛn no n waa la dɛ waa a ta teŋaa, n laa dɛ bol o waa dɛ́ pa bole, dɛkalkɛ nɛra waa bola dɛ́ pa bole waa laa n ba harɛ nɔ ta. Nɛra bwa lɛɛ waa n ba.
Korowii aa tom mɛ harɛ la, o ta ŋɔe ŋɔ ń ba bol he waa dɛ́ pa heyaa bolchɔɡe. Kɛ o tom mɛ ŋɔ ń ba nyin ŋwɛnɛ tɛ heya, ásɛ o won lɛ heya.
Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.
