Matiu 18:10 - mzwDBL

¹⁰ Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Matiu 18:10 ပူးပေါင်းရင်းမြစ်များ

2 Samoɛl 14:28

Absalɔm soɡe Jerusalam bene anɛ dɛ o siwi ta kooro nɛɛ dawɛ.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Ɛsta 1:14

dɛ dɔ dibɔra kooloŋ ta bela. Banee, Kaasena ne Sɛta ne Admata, ne Taases ne Meres ne Maasena, dɛ Mɛmokan. Gɛ nomonjena banuanɛ nɔ le Pɛɛsea ne Midia harɛre ta, dɛ ɛ nomonjena ɡwaa nomonome baa lɔ o kora bini bwa.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

Yela 34:7

Korowii nyundua torome dɛ daah nɛra baa dɛ tomɛ Korowii, dɛɛ lɛɛ ba.

Yela 91:11

Korowii ɛɛ ɡeloo o nyundua toroma ɛɛ nyiŋi he nɛɛ kɛrɛdɛ, dɛ́ kpɔ nɔn tɔ he nɛ bobɛlbwa haa kaa.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 12:20

Nɛn do kɛŋɔ daa waa ɡwɛɛna dɛɛ ba kui yaa, waa ɡel o ku. Dɛ o do kɛŋɔ kandea waa dɛ lawɛ kɛlll la ɡe aa, waa ɡel ó dime. Wɛɛ lawɛ bambile nɛra nɛɛ dɛ́ yo ka tel ɡɛ saŋ nɛra bwa aa ba jemɛ Korowii kasinteŋ ŋwɛnɛre la,

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

Matiu 18:6

Kɛ nomɛlbwa waa neɡre bechajeɡre nɔ dɔŋ bɛlbwa waa dɛ yarada mɛ nɔ ásɛ o ɛ wechɔɡa la, dɛ ba fe vɔwɛ nambwe do o baŋa, dɛ kpɔɔ ka ta mpo vil ta kwaraa fe bɔ.

Matiu 2:13

Baa le bela dɛ kaa la, Korowii nyundua torome bɛl ba Josef be deera ta dɛ ba ŋɔ o be ŋɔ, “Kooro Hɛrɔd dɛ ba ɡela nɛra ɡaaɡe bie la bɔr dɛ́ kpoo. Anomanta, ir dɛ́ kpɔ bie la ne o nya bwa chwa kaa Ijipt harɛ ka so bela, ka tel ɡɛ saŋ maa berɛ ba ŋɔ hé le bela mɔɔ he le.”

Matiu 2:19

Kooro Hɛrɔd aa sewa la, dɛ Josef ta lɔ Ijipt harɛ ta, asɛ dɛ dee dɛ na Korowii nyundua torome bɛl.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 16:22

Nyaa la baa sewɛ, asɛ nyundua toroma ba kpɔɔ kaa nyundua o ka so Abraham be. Suuɡate la ɡe baa sewɛ, asɛ ba huɡo,

We-ɛɛla 10:3

Awola bɛl, o na wepila ane wekee saŋ. O nao kɛŋɔ nyundua torome bɛl aa baa jo o be dɛ yerɔ ŋɔ, “Kɔnɛɛleɔs!”

We-ɛɛla 12:15

Ate, ba ŋɔ, “Choɡlaa hɛɛ we kɛɛ?” Baa dɛ tɔŋlo la bwa, dɛ o nyoa kpeɡri kɛrɛdɛ wɛɛ baɡle kɛ kpelaa wɛɛ bol la. Anee ba ŋɔ, “Amɔ te o lalee.”

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

We-ɛɛla 27:23

Waa aa ɡela n ŋɔ ɡɛ laanee kɛ, dɛ jwaana ne la, Korowii waa dɔɔ mɛ dɛ ɡel mɛɛ ɛ o toma la, o torome ba n be,

We-ɛɛla 5:19

Awola jwaana la, Korowii nyundua torome bɛl baa ya dea la ɡbera, dɛ le Yeesu toroma la ne buse, dɛ ŋɔ ba be ŋɔ,

Tɔn Pɔɔl Aa Chwerɛ Rom Tena 14:10

Aah dɛ bɔkwaa ɡela he nɛra haa wola ol di ɛɛ pwah he bala baa dɛ di komɛlbwa nɔɔ? He banɔ la haa dɛ di komɛlbwa ɡe la, bɔkwaa ɡela hɛɛ lii he bala baa wola ol di nɛndoŋa nɔɔ? Ya bwa ɛɛ che Korowii siee, ásɛ o bol ya waa dɛ́ pa bole.

Tɔn Pɔɔl Aa Chwerɛ Rom Tena 14:21

Waa aa toɡra kɛ hɛɛ ɛ laanee kɛŋɔ ol dii ne sen nyɔe, ne wobɛlbwa aa dɛ ba wona ɡel he dɔŋ lɔ naa chole la, a chɛ kɛ he laa he te kpɔ a ta.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

1 Kɔrent 11:22

Ɛrɛ waa yɔ? He ta deremi dɔe dɛ́ so bela di kwaa kɛɛ? He hah Korowii nɛra, dɛ ɡel sihiih ɛɛ kpo he bala baa nyaa. Ɛrɛɛ ń ɛ heya ɔ? Ń kpɛɛ heya aa? Akai.

1 Kɔrent 16:11

Anomanta, he bɛ o sie lawɛ teɡɛ harɛ. Hé doo ŋwɛnɛ ásɛ o kpɔ bambisɔɔhna dɛ berɛ ba n be. N dɛ nyiŋi o ne yabala la ŋwɛnɛ.

1 Kɔrent 9:22

Dɛ n kaa koo nɛra bini, dɛ ba yarada aa kanɛ Yeesu Kristo waa ta naa, n ɡe dɛ ɛ n te kɛŋɔ ba bini bɛl, ásɛ dɛ won dɔɔ ba. Gɛ nomɛlbwa aa doa la, ɡɛɛ mɛɛ ɛ n te, ásɛ dɛ che ŋwɛnɛ bɛl ta, dɛ́ won dɔ bane, ásɛ Korowii lɛɛ ba.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

Wepila 8:2

Asɛ n na baa kpɔ bɛle anuanɛ tɛ nyundua toroma banuanɛ ba yon dɛɛ che Korowii sie la.