Matiu 16:27 - mzwDBL

²⁷ Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:27 ပူးပေါင်းရင်းမြစ်များ

Job Tɔn 34:11

O dɛ bɔ nɛwɛnyini waa waa ɛa kem, dɛɛ ba waa ne o nɛɛ ɡɛ o we-ɛɛla aa doa.

Yela 62:12

o nyina aa wola jaɡa dɔe ɡe do le saŋ bɛlbwa dɛɛ la. Kasinteŋ, o dɛ bɔ nɛra kem ɡɛ ba we-ɛɛla aa doa.

Sɛɡla 24:12

Bɛ sie laa kpɔ waane ta, dɛ́ ŋɔ he waane laa. Korowiirii jemɛ bambile bɛlbwa wa. Wɛɛ bɔ bɛlbwa kemee ɡɛ waa ɛa.

Wejereme 3:17

N lii n nyu bini ŋɔ, “Korowii ɛɛ ba bol nɛra ba wa aa toɡra, ne nyubinikpeɡ tena bwa waa dɛ́ pa ba bole, dɛkalkɛ wobɛlbwa ɛɛ dɔ o saŋee, we-ɛɛla bɛlbwa ɡe dɔ o tɔpere.”

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Ɛsekeɛl 18:20

Naate waa dɛ ɛ wechɔɡa laanee dɛɛ sewɛ. Bie ta chɛ kɛ ó na wa o mɛɛ wechɔɡa wa, mɛɛ ɡe ta chɛ kɛ ó na wa o bie wechɔɡa wa. Nomɛlbwa o waa aa toɡra wɛɛ ɛ wedɛɛɡa dɛ́ dɔ andɛɛɡa, nomɛlbwa waa dɛ ɛ wechɔɡa ɡe, wechɔɡaa dɛɛ teŋɛ o nɛ.

Ɛsekeɛl 7:27

Kooro ɛɛ wiu, sitɔɔ bwara yɔr, ásɛ harɛ la ta nɛra bwara ɛɛ sa. He we-ɛɛla taa mɛɛ ba cheɡa dɛ́ tɛr he deŋne, he wechɔɡa haa ɛa mɛɛ ba kpɔe pa heyaa bolchɔɡe, ɡɛ haa ɛ he bala la. Ásɛ he jemɛ kɛŋɔ menee Korowii.”

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Matiu 13:49

Gɛɛ waa bwa jaɡa saŋ ɛɛ ba doe. Nyundua toroma ɛɛ bao dɛ́ ba chale nɛnchɔɡa le nɛndɛɛɡa bini,

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Luk Aa Chwera Tɔn 21:27

Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.

Amanesoma Luk Aa Chwera Tɔn 22:69

Le taraken dɛɛ kaa la, Men Nɛn Bie la ɛɛ so Korowii Waa Ɛ Kpeɡnɛn diɡ taa.”

Amanesoma Luk Aa Chwera Tɔn 9:26

Nomɛlbwa sihiih aa dɛ kpoo n ne n webaɡla nɔ ta la, awola Men Nɛn Bie ne nyundua toromedɛɛɡa aa ba n Mɛɛ jirima ne la, maa naatee heeh awola tɔpere.

Amanesoma Jɔn Aa Chwera Tɔn 21:22

Belaa o chaŋo ŋɔ, “Dɛ n dɛ nyin kɛ o so le dɛ ka tel saŋ maa ba kwaraa naa, he waanee yaa? He te ɛɛ teŋɛ n nɛ!”

Amanesoma Jɔn Aa Chwera Tɔn 21:23

Yeesu aa bol ɡɛ la, dɛ o habɔteŋra la dɛ bol bobɛlbwa ŋɔ, amɔ ba dɔŋ habɔteŋre la aa sewɛ bwa. Kɛ ɡɛ laa Yeesu ŋɔ. Waa waa bolaa kɛŋɔ, dɛ o dɛ nyin o habɔteŋre la so ka tel ɡɛ saŋ waa ba naa, Pita waane laa.

We-ɛɛla 1:11

dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”

Tɔn Pɔɔl Aa Chwerɛ Rom Tena 14:12

Anomanta, ya bɛlbwa ɛɛ baɡle o toma waa ɛa Korowii siee.

Tɔn Pɔɔl Aa Chwerɛ Rom Tena 2:6

Gɛ nomɛlbwa we-ɛɛla aa doa la, anee wɛɛ ba nyiŋa dɛ́ bol o waa dɛ́ pa bole.

1 Kɔrent 15:23

Kɛ ya bwa ne ya tɔperaa ya ir. Yeesu Kristoo tɔ sie ir mɔɔ, ásɛ ya banɔ la ya ne waa ɛ beŋkpoŋ la ɡe ir ɡɛ saŋ waa ba ja la.

1 Kɔrent 3:13

Dɛ Korowii Tɔpere waa dɛ ba nɛra bwa waa bola dɛ́ pa bole la telaa, belaa baa ba nae ɡɛ bɛlbwa toma aa doa. Awola tɔpere la, niinii dɛɛ ba toma nomɛlbwa aa ɛa la wer bini baɡla.

1 Kɔrent 8:8

Ya kondikwaa yaa dɛ dia laa dɛ́ ɡel ya ɛ nɛndɛɛɡa Korowii be. Dɛ ya dɛ dia oo, ya dɛ kia oo, aa wobɛlbwa baɡle.

2 Kɔrent 5:10

dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.

Ɛfesos 6:8

Onee dɛɛ ba nomɛlbwa kem bɔe o tondɛɛɡa bwa waa ɛa ta. Dɛ bonɔɔ kɛɛ toloo ba doe noo, dɛ he nyuu hɛɛ di oo, he bwa dɛ ba tondɛɛɡa haa ɛa kembɔr dɔe Yeesu Kristo be.

Kolosi 3:25

Nomɛlbwa waa dɛ ɛ wechɔɡa la, wɛɛ dɔ o wechɔɡa kembɔree. Korowii aa bane siwii nyiŋi ɡwaa bane.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Tɔn Jud Aa Chwera 1:14

Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.