Matiu 16:13 - mzwDBL

¹³ Yeesu la Sisaaria Felepae bwɛɛre ane ta. Belaa o pɛɛ o habɔteŋra la ŋɔ, “Nɛn besoo nɛra ɛɛ lii Men Nɛn Bie nɔɔ?”

Matiu 16:13 ပူးပေါင်းရင်းမြစ်များ

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Amanesoma Jɔn Aa Chwera Tɔn 5:27

asɛ dɛ tɛo kpeɡri kɛ ó won dɛɛ bol nɛra waa dɛɛ pa bole, dɛkalkɛ o Bie laanee Nɛn Bie la.

Matiu 9:6

Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “Ir dɛ́ kpɔ he kalaŋ kaa dem!”

Matiu 13:37

Anee Yeesu ŋɔ, “Men Nɛn Bie laanee merɛ mea tenten la.

Matiu 12:8

dɛkalkɛ Men Nɛn Bie laanee dɔ Ona Tɔpere kpeɡri.”

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 7:56

asɛ o ŋɔ, “Hé na! N na nyundua aa pila asɛ Nɛn Bie la che nomombɔr Korowii diɡ ta bela!”

Amanesoma Jɔn Aa Chwera Tɔn 12:34

Belaa nɛnlaa la chaŋe ŋɔ, “Ya noɔ Korowii Tɔn la ɛɛ baɡle kɛŋɔ dɛ Kristo la balaa, waa sewɛ bwa. Aah, ɛrɛɛ he te berɛ ŋɔ Nɛn Bie la chɛ kɛŋɔ bá saɡɔ nyundua ɔ? Umee Nɛn Bie nɔ kwaraa te nɔ?”

Amanesoma Mak Aa Chwera Tɔn 10:45

dɛkalkɛŋɔ Men Nɛn Bie kwaraa ta balɛ kɛ nɛ́ra baa tom mɛ. N te balɔ dɛ́ ba tomɛ nɛwɛnyini, dɛ́ kpɔ n nyu charɛ nɛndamanta mkpa.”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 15:21

Yeesu le bela dɛ kaa bwɛjena Taaya ne Sidon pera.

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Amanesoma Jɔn Aa Chwera Tɔn 3:14

Gɛ saŋ ya naawa aa lɔ pua hɛŋle ɡbo harɛ ta la, Korowii keame Mosis la fa kpɔ buni dɛ loɡɛ harɛkon dɛ kpɔ do daa ta dɛ ɡɔɔro ásɛ nɛra nyiŋu dɛ bɛ dɛɛ sewɛ. Gɛɛ a chɛ kɛ ba ɡɔɔ Men Nɛn Bie la.

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”