Matiu 15:31 - mzwDBL

³¹ Nɛra la nyoa kpoo kɛ baa na ɡɛ amumure aa bera won waa bola, boobie ne nɛra ba peri aa serewa won ir che dɛɛ valɛ, asɛ nyoŋa ɡe berɛ won dɛɛ na la. Anomanta, ba kpɛɛ Korowii ba Israel tena aa dɛ tomɔ la.

Matiu 15:31 ပူးပေါင်းရင်းမြစ်များ

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 18:43

Ate, buɡ la ta, dɛ o dɛ na bɔr, dɛ teŋɛ Yeesu nɛ, dɛɛ jam Korowii. Asɛ nɛra la bwa aa naa la, ba kpɛɛ Korowii.

Amanesoma Luk Aa Chwera Tɔn 7:16

Ɔmee lawɛ nɛra baa lɔ bela la bwa, asɛ baa kpɛɛ Korowii dɛɛ ŋɔ, “Korowii keamejen bɛl ba ya bini bonɔ! Korowii balɔ dɛ́ ba lɛ o nɛra!”

Matiu 18:8

Dɛ he nɔn kɛɛ he nakpala ɛɛ neɡree he ɛ wechɔɡa aa, teŋo ta. Haa dɔ nɔmbeŋkpoŋ kɛɛ nakpabeŋkpoŋ, dɛ dɔ Korowii be kaa bɔ kɛŋɔ, haa dɔ nɔɔra anɛ kɛɛ nakpale anɛ, dɛ kaa Bɔnsam nii aa wola dime bwa la ta.

Matiu 9:33

Yeesu aa doŋi kwaa la le o nɛɛ la, baa la den dɛɛ bol wa, asɛ nomɛlbwa waa lɔ bela la nyoa kpo. Ba ŋɔ, “Ya ta waa nɔ dɔŋa nae Israel harɛ nɔ ta bwa!”

Amanesoma Jɔn Aa Chwera Tɔn 9:24

Ba berɔ yerɛ baa la o fa aa nyoŋa la nɛɛtena, asɛ dɛ ŋɔ o be ŋɔ, “Nyiŋi Korowii dɛ bol kasinteŋ. Ya te jemɔ kɛ baa nɔ waa chaeh nɔ ɛ wechɔɡ-ɛɛ.”

Amanesoma Luk Aa Chwera Tɔn 14:21

Asɛ bonɔɔ la la dɛ ka ŋɔ o dɔɔ la be ɡɛ baa bola la. Anee o dɔɔ la baah di, o ŋɔ o bonɔɔ la be ŋɔ, ‘Ɛ warane kaa fɔɡbaah ne lomoola ta, dɛ́ ka yerɛ nyaara ne boobie ne nyoŋa ne nɛra ba nakpale aa teŋna ásɛ ba ba di kwaa la.’

Amanesoma Luk Aa Chwera Tɔn 14:13

Dɛ he ɛ ɡɛ kondikwaa nɔ soo siwi aa, yerɛ nyaara ne boobie ne nɛra ba nakpale aa teŋna, ne nyoŋa bá ba di,

Amanesoma Mak Aa Chwera Tɔn 9:43

Dɛ he nɔn ɛɛ neɡree he ɛ wechɔɡa aa, teŋo ta, dɛkalkɛŋɔ he kpoŋe nɔmbeŋkpoŋ dɛ dɔ Korowii be kaa bɔ haa kpoŋe nɔɔra anɛ dɛ kaa Bɔnsam nii aa wola dime bwa la ta.

Amanesoma Mak Aa Chwera Tɔn 7:37

Belaa nɛra baa noa la nyoa kpo taeh, ba ŋɔ, “O ɛ wobɛlbwa kɛrɛdɛ, hale o ɡelɔ amumure ɛɛ no wa, dɛ won waa bola.”

Amanesoma Mak Aa Chwera Tɔn 2:12

Asɛ baa la ir buɡ la ta, dɛ kpɔ o kalaŋ nɛra la bwa siwi ta bela dɛ kaa. A ɡelɔ nɛra la bwa nyoa kpo, asɛ ba kpɛɛ Korowii ŋɔ ba ta a dɔŋa nae bwa.

Matiu 21:14

Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Matiu 8:10

Yeesu aa no ɡɛ la, o nyoa kpoo, o ŋɔ o habɔteŋra la be ŋɔ, “Kasinteŋ, n ta nɛn waa dɔ yarada kɛ baa nɔ nae bwa. N ta o yarada dɔŋ nae Israel tena kwaraa bini.

Matiu 9:32

Nɛra la aa le dem bela dɛɛ kaa la, nɛra bane ɡe berɔ kpɔ baa bɛl kwaa aa dɛ ir o nɛɛ o bol waa kahonɛ ba Yeesu be.

Matiu 15:30

asɛ nɛnlaa tenten ba o be, dɛ kpɔ weela tena ba peri aa serewa, ne nyoŋa ne boobie ne amumure, dɛ nɛra baa dɛ we weela bwa soo siwi ba bil o sie, asɛ o chaah ba.