Matiu 15:22 - mzwDBL

²² Haah bɛl waa ɛ Keenan te dɛ do bela ba Yeesu be dɛ ba kpɔ takpeɡ ŋɔ, “Devid Naa Yeesu, na n sum! Nomoa, kwaa dɛ ir n bihaah nɛɛ dɛɛ fiiɡu, a do kpeɡri.”

Matiu 15:22 ပူးပေါင်းရင်းမြစ်များ

Yela 4:1

N Naa Korowii, he waa toɡrɔ, no n wesoŋa saŋ bɛlbwa. Lɛɛ mɛ le n wahala ta, na n sum, dɛ́ no n wesoŋa.

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

Yela 6:2

N Naa Korowii, n ɡwɛɡrɔ, n poori, na n sum. N hoɡa bini bwa dɛ wee mɛ, chaah mɛ.

Ɛsekeɛl 3:6

Ba ta harɛ o nɛra wobol aa kpeɡa, ba waa mun noe do kpeɡri ɡe ɛɛ. Dɛ n fe tomɛ ɡɛ nɛra la be naa, ba fe noɔ.

Matiu 1:1

Gɛ Kooro Devid naa Yeesu Kristo nabaala aa teŋɛ dɔŋa nɛɛ laanee nɔ. Abrahamee ɛ ba bwa nyu te.

Matiu 15:23

Yeesu ta on chaŋɛ, asɛ o habɔteŋra la ba o be dɛ soŋo ŋɔ, “Gel haah nɔ kaa kɛ waa teŋɛ ya nɛɛ dɛɛ do yaa ɡbɔɡa la!”

Matiu 17:15

dɛ ŋɔ, “N Dɔɔ, na n bibaa nɔ sum tɛ mɛ! O dɛ chole ɡbuŋɡbuŋri. A iraa, aa were kwaraa. Tɔpebɛla a iraa, a ɡelɔ wɛɛ chole nii ta, asɛ tɔpebɛla ɡe a ɡel wɛɛ chole nee ta.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Matiu 9:27

Yeesu aa le bela dɛɛ kaa la, nyoŋa banɛ bane no o ɡbɔɡa, dɛ ir teŋɛ o nɛɛ dɛɛ yerɔ dɛɛ ŋɔ, “Devid Naa, na ya sum!”

Amanesoma Luk Aa Chwera Tɔn 17:13

dɛ ha nyoa ŋɔ, “Ya Dɔɔ Yeesu, na ya sum!”

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Amanesoma Luk Aa Chwera Tɔn 6:18

dɛ ba o be dɛ ba no o wa, asɛ o chaah ba weela. Nɛra kwaa aa dɛ ir ba nɛɛ a ɛɛ ba weela bwa ba bela, asɛ o doŋa ta ba.