Matiu 14:20 - mzwDBL

²⁰ asɛ nɛra la bwa di dɛ vaɡre. O habɔteŋra la aa tɔɔ paanoo ne pɛŋa baa dia a ka la pɛ la, a su wɛɡrɛjena fi dɛ anɛ.

Matiu 14:20 ပူးပေါင်းရင်းမြစ်များ

Kaala 16:12

“N no Israel tena naɡra baa dɛ naɡre n waa la bwa. Ŋɔ ba be ŋɔ baa chwe ola jɔmɔraa, dɛ́ di kondikwaa chɔɔ dɛ́ vaɡɛ ɡɛ baa dɛ nyin, ásɛ dɛ jemɛ kɛŋɔ menee Korowii baa dɛ tom mɛ la.”

Kaala 16:8

Anee Mosis berɛ ŋɔ, “Hɛ́ɛ jemɔɔ kɛŋɔ Korowiirii dɛ́ tɛ heya ola he chwe jɔmɔra, ne kondikwa bɛlbwa haa dɛ nyin dɛ́ di chɔɔ, dɛkalkɛ o na ɡɛ haa dɛ naɡre o wa kohona. Ya ɡee bamewa hɛɛ naɡre ya waɔ? Ya waa laa hɛɛ naɡre la, Korowii waa hɛɛ naɡre.”

Amanesoma Luk Aa Chwera Tɔn 9:17

Baa bɔne paanoo la tɛ nɛra la, ba bwa diu dɛ vaɡre, ane ka. O habɔteŋra la tɔɔ a puɡrere la baa dia ka la pɛ, asɛ a su wɛɡrɛjena fi dɛ anɛ.

Amanesoma Luk Aa Chwera Tɔn 1:53

O tɛ nyaara kondɛɛɡa ba di, dɛ doŋi dɔɔhna ba kpɔ nɔŋɡbala kaa.

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Amanesoma Jɔn Aa Chwera Tɔn 6:7

Asɛ Felep ɡe ŋɔ, “Dɛ yaa dɔ suuɡa damanta kɛŋɔ denaarere lafraanɛɛ dɛ́ yawɛ paanoo kwaraa naa, bɛlbwa aa won dɔ tama tama kwaraa di.”

Matiu 15:33

O habɔteŋra la pɛɛro ŋɔ, “Ɛrɛɛ yaa ba ɛɛ dɛ́ dɔ paanoo tɛ nɛndamanta nɔ bwa dɔŋ kpɔɡ nɔ baah bonɔ bá di a won tel baɔ?”

Matiu 5:6

Nɛra ba sie aa beɡre waa aa toɡra dɛɛ su Korowii siwi la, ba na som, dɛkalkɛ Korowii ɛɛ cha baa a ta kɛrɛdɛɛ bá dɔa ba tetoora.

Haɡae 1:6

He dɛ du kwaa kohona, kɛ tamaa kenii hɛɛ komɛ, dɛɛ di kwa kɛ haa vaɡɛ. He dɛ nyɔ sen kɛ aa kanɛ dɛ́ dɛɛ heya, dɛɛ tɔ yale kɛ waa ɡarɛ dɛɛ kpo heya. He ɛ toma dɛɛ dɔ suuɡa, kɛ aa heyaa le.”

Sɛɡla 13:25

Nɛn o wa aa toɡra di kwaa o baah ɛɛ sɔɔhno, kɛ nɛnchɔɡe te dɛ chɔ lɔr saŋ bɛlbwa.

Matiu 14:21

Nɛra baa di kwaa la, ba baala ɡbo ɛɛ ɛ kaɡboŋa banue. Haahna ne bechale te ta jae.