Matiu 14:19 - mzwDBL

¹⁹ O ɡel nɛra la bwa so harɛ kpɔɡlor la ta, asɛ dɛ kpɔ paanoo anue la ne pɛŋa anɛ la, dɛ ha sie nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba,

Matiu 14:19 ပူးပေါင်းရင်းမြစ်များ

Matiu 14:18

Anee Yeesu ŋɔ, “Hé kpɔ ba tɛ mɛ.”

Amanesoma Mak Aa Chwera Tɔn 6:39

Belaa Yeesu ŋɔ ba be ŋɔ bá ɡel nɛra la pɛ dɛ́ so kpɔɡlor la ta.

Amanesoma Mak Aa Chwera Tɔn 6:41

Yeesu kpɔ paanoo anue la ne pɛŋa anɛ la dɛ ha sie dɛ nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba, dɛ mɔne pɛŋa la ɡe tɛɛ ba ŋɔ bá bɔne tɛɛ ba,

Amanesoma Mak Aa Chwera Tɔn 7:34

dɛ ha sie nyiŋi nyundua dɛ hwee fuuu, dɛ ŋɔ baa la be ŋɔ, “Efata!” O munii kɛŋɔ, “Pili.”

Amanesoma Luk Aa Chwera Tɔn 22:17

Belaa Yeesu kpɔ numol ne sen dɛ jam Korowii dɛ kpɔ tɛ o habɔteŋra la ŋɔ, “Hé nyɔ ka tɛ dɔŋa.”

Amanesoma Luk Aa Chwera Tɔn 22:19

Asɛ o berɛ kpɔ paanoo dɛ jam Korowii o wa, asɛ dɛ mɔne tɛɛ ba, dɛ ŋɔ, “Anɔ cheɡɔ tɛ n bo-ol maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Amanesoma Luk Aa Chwera Tɔn 24:30

Kondiiɡa saŋ aa tela ba ka cheme tiɡ ta la, o kpɔ paanoo dɛ jam Korowii dɛ kuuɡi do ba nɔɔra ta.

Amanesoma Luk Aa Chwera Tɔn 9:14

Dɛ nɛra baa lɔ bela la, ba baala ɛɛ ɛ nɛra kaɡboŋa banuee. Asɛ Yeesu ŋɔ o habɔteŋra la be ŋɔ, “Hé ŋɔ ba be ŋɔ bá pɛɛɡe so fifraanunue.”

Amanesoma Luk Aa Chwera Tɔn 9:16

Asɛ Yeesu kpɔ paanoo anue la ne pɛŋa anɛ la, dɛ ha sie dɛ nyiŋi nyundua dɛ jam Korowii, dɛ mɔne do o habɔteŋra la nɔɔra ta ŋɔ bá bɔne tɛ nɛra la.

Amanesoma Jɔn Aa Chwera Tɔn 11:41

Ba laa bwe la ɡbili le bɔɔ la nyoa, asɛ Yeesu ha sie nyundua dɛ ŋɔ, “N Mɛɛ, n dɛ jaame kɛ haa dɛ no n wa.

Amanesoma Jɔn Aa Chwera Tɔn 6:23

Asɛ ɡbeni ane le bwɛɛ bɛl baa dɛ yerɔ Tibeerias ta, dɛ ba leebɔɔ la ta bela nɛra la aa soɡa Yeesu kpɔ paanoo dɛ jam Korowii a waa dɛ bɔne tɛɛ ba ba di la.

We-ɛɛla 27:35

Waa ŋɔ ɡɛ la, o kpɔ paanoo dɛ jam Korowii ba bwa siwi ta, dɛ mɔn dɛ di.

Tɔn Pɔɔl Aa Chwerɛ Rom Tena 14:6

Nomɛlbwa waa dɛ lii kɛŋɔ tɔpere bɛl ɛ onjen dɛ ɡwaa bɛl la, o dɛ tɛ Korowii duure, a waa wɛɛ ɛ ɡɛ. Nomɛlbwa waa dɛ di komɛlbwa la, o dɛ tɛ Korowii duure, a waa wɛɛ ɛ ɡɛ, dɛkalkɛŋɔ o dɛ jam Korowii kondikwaa la wa. Nomɛlbwa waa dɛ ki kondikwaa ane soo dii la, o ɡe dɛ tɛ Korowii duure, a waa wɛɛ ɛ ɡɛ. O ɡba dɛ jam Korowii.

1 Kɔrent 10:16

Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

1 Kɔrent 11:24

asɛ dɛ soŋe Korowii do o ta, dɛ kuuɡu dɛ ŋɔ, “N bo-olii nɔ, maa kpɔa dɛ tɛ heya. Hɛ́ɛ ɛ ɡɛ dɛ́ kpɔ dɛɛ lii mɛ.”

Kolosi 3:17

Wobɛlbwa haa dɛ ɛ ne anɔ la bwa haa dɛ bol la, hɛ́ɛ ɛa ya Dɔɔ Yeesu sɔn ta, dɛ́ che o nɛɛ dɛ́ɛ jam o Mɛɛ Korowii.

1 Samoɛl 9:13

Hé deno jo bwɛɛ la bini naa, hɛɛ nao mɔɔ dɛ́ kaa saraha la bɔr ka di kwa. Onee dɛ́ swee saraha kwaa ta tɛ nɛra la mɔɔ bá di, ásɛ mɔɔ nɛra baa ta nɔn yer ba la ɡe di. Hé kaa taraken, hɛ́ɛ ka nao.”