Matiu 13:39 - mzwDBL

³⁹ Baa la dɔm la waa kaa merɛ kpɔɡchɔɡa koo mea tenten la ta la cheɡɔ tɛ Bɔnsam. Kwaa la koma la cheɡɔ tɛ waa bwa jaɡa saŋ, asɛ nɛra baa koma la cheɡɔ tɛ nyundua toroma la.

Matiu 13:39 ပူးပေါင်းရင်းမြစ်များ

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Joel 3:13

Ba nyu bini kpeɡri kohona. Teŋ ba ta kɛŋɔ mea koma saŋ ba yon teŋni a daa la. Tiɡri ba nɛɛ kɛŋɔ ba yon tiɡri ɡrepo nɔna ta, ka tel kɛŋɔ a nee yon su kwa, hale dɛɛ ta la.

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 13:25

Jwaana bɛl nɛra bwa aa chɔa la, o dɔm bɛl ɡe iro dɛ ka merɛ kpɔɡchɔɡa ane mea koo la ta, dɛ ir chwa.

Matiu 13:28

Anee nomoa la chaŋ ba ŋɔ, ‘N dɔm bɛlee ɛ ɡɛ la.’ Asɛ o bonɔɔna la berɛ pɛɛro ŋɔ, ‘He dɛ nyin kɛ yá ka parɛ kpɔɡchɔɡa la ta kɛɛ?’

Matiu 13:40

Gɛ baa vɔrɔwe kpɔɡchɔɡa la dɛ che ka do nii ta a fuh la, ɡɛɛ waa bwa jaɡa saŋ ɛɛ ba doe.

Matiu 13:49

Gɛɛ waa bwa jaɡa saŋ ɛɛ ba doe. Nyundua toroma ɛɛ bao dɛ́ ba chale nɛnchɔɡa le nɛndɛɛɡa bini,

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

2 Kɔrent 11:3

Kɛ n dɛ ɔmɛ kɛŋɔ Bɔnsam bɛ bɔr ba dɔ che dɛ́ berɛ he liire, ásɛ he bɛ Yeesu Kristo dɛɛ nyin tepoŋ ne kpa, kɛŋɔ waa berɛ harɛkon dɛ kpɔ nyosone neɡre Hawa la.

2 Kɔrent 2:17

Nɛra kɛrɛdɛ kpɔ Korowii waa la berɛ bona dii dɛ yoɡ dɛɛ di. Ba laa yan. Korowiirii tɛ yaa waa nɔ ŋɔ yáa bola, ásɛ yaa bola o siwi ta bambile bwa ne, pɛɛ ya ne Yeesu Kristo aa pɛa la nomanta.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Hibru 9:26

Dɛ bena bɛlbwaa wɛɛ jo bela dɛ kpɔ o te ɛ saraha aa, bena bɛlbwaa o fe ɛɛ ba wahala nae dɛ kpoŋe le harɛ mumpar ba le fini. Kɛ kerabeŋkpoŋ ɡboo o ba harɛ nɔ ta tɔpere tama waa kaa nɔ ta, dɛ ba kpɔ o te ɛ saraha dɛɛ laa nɛra wechɔɡa kpɔ, waa wola ɡɛɛ ɛ kpa.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Tɔn Jud Aa Chwera 1:14

Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.