Matiu 13:38 - mzwDBL

³⁸ Harɛ ta bonɔɔ ɛ koo la. Mea tenten laanee nɛra baa ja Korowii Kora la ta la, asɛ kpɔɡchɔɡa la ɡe che tɛ nɛra baa lɔ Bɔnsam be pera.

Matiu 13:38 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Yela 22:30

Naanar baa ka ba bwa ɛɛ tomɛ Korowii, dɛ́ bol o waa baɡle ba biirere ne ba naanar.

Aesaya 53:10

Korowii ŋɔ, “Men Korowii tetooraa ba doo bol, o na wahala. O seo la ɛ bolchɔɡe dii saraha, dɛ kpɔ nɛra wechɔɡa baa ɛa dɛɛ kɛ ba. Waa wona ɛ ɡɛ la, wɛɛ dɔ mkpajaŋee dɛ́ na o naanar, ásɛ a che o nɛɛ waa men Korowii aa maɡla bil la ɛ kɛrɛdɛ.

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Matiu 13:19

Nɛra baa dɛ no Korowii Kora nɔ waa baa wola a mun jemɛ laanee do kɛ mea la aa lee ŋwɛnɛ nyoa la. Bɔnsam balaa, dɛ o baa laa waa baa noa la bwa kpɔ le ba nyu bini.

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

Matiu 5:37

Ba dɛ bɔɔre waa dɛ a ɛ kpela aa, sɛh ŋɔ, ‘Ɔɔh,’ dɛ nyosone ɡee yaa, ŋɔ, ‘Ɔɔhɔh.’ He bol waane ja a ta naa, amɔ a te le Bɔnsam be.

Matiu 8:12

Ásɛ nɛra Korowii Kora la fe aa chɛ ba la, bá kpɔ ba ta biro ta, belaa wii ne weweele do.”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Jɔn Aa Chwera Tɔn 12:24

Kasinteŋ, dɛ ba ta boyubii kpɔe du o pɔh aa, waa won ya. O ɡboo dɛ do le. Dɛ he duu te naa, o dɛ le dɛ ya kɛrɛdɛ.

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

We-ɛɛla 13:10

“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.

Tɔn Pɔɔl Aa Chwerɛ Rom Tena 10:18

Mɛɛ bɔɔ heyaa webeŋkpoŋii. Kpelaa kɛŋɔ ba ta noɛ yaa? Ba noɔ, dɛkalkɛŋɔ Korowii Tɔn bolɔ ŋɔ, “Ba waa baa dɛ bol la la harɛ ta bobɛlbwa nɛra aa lole, a tel harɛ jaɡa bwa.”

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Kolosi 1:6

Amanesoma la perɔ, nɛra ɛɛ noa harɛ nɔ ta bobɛlbwa, aa ba hɛɛra ne. Gɛ tentenee aa ba hɛɛra ne he be dɛ le awola haa noa Korowii pili he sie he jemɛ suna waa sune he nɛɛ dɛ cha heyaa la.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

1 Pita 1:23

dɛkalkɛ ba berɔ kwaa lolɛ heyaa nɛnfala. Nɛn waa dɛ sewɛ la dwee laa heyaa kpa, Korowii waa wola sewɛ bwa la dweee heya. Korowii Waa aa dɛ tɛ mkpa dɛ do le saŋ bɛlbwa la taa a che ba kwaa lolɛ heya.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.