Matiu 13:35 - mzwDBL

³⁵ Gɛ waa ɛa nɔ ɡelɔ waa Korowii keame la fa aa bola la ɛ kpela. O fa ŋɔ, “Mɛɛ kpɔ sɛɡlaa bol wa chaɡle heya. Waa nomɛlbwa aa wola jemɛ bwa le harɛ nɔ mumpar la, mɛɛ bol ba bee.”

Matiu 13:35 ပူးပေါင်းရင်းမြစ်များ

Yela 49:4

Mɛɛ cheɡ deŋnee dɛɛ no wobosɛɡla, dɛ́ kpɔ janjela lɔ dɛɛ baɡle a mun.

Yela 78:2

Mɛɛ kpɔ sɛɡlaa bol waa chaɡle heya, waa nomɛlbwa aa wola jemɛ bwa, le harɛ nɔ mumpar,

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

Matiu 13:14

Ba waa Korowii keame Aesaya faa bol la. O bolɔ ŋɔ, ‘Nɛra nɔ ɛɛ noo kohona, kɛ baa a mun jema ba, baa nyiŋuu kohona, kɛ baa a jema ba,

Matiu 13:3

Asɛ o kpɔ sɛɡla bol waa chaɡ ba ŋɔ, “Baa bɛlee ira dɛ kaa merɛ mea o koo ta.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Matiu 5:2

asɛ wɛɛ baɡ ba waa dɛɛ ŋɔ,

Amanesoma Luk Aa Chwera Tɔn 10:14

Awola Korowii aa ba pa bole la, wɛɛ na bwɛjena Taaya ne Sidon tena sumii ɡwaa heya.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

We-ɛɛla 15:18

A saŋ la bwaa o ɡel nɛra na ɡɛ waa nɔ.’

1 Kɔrent 2:7

Korowii wejema waa yaa baɡle. A fa sɔɔh, nɛwɛnyini fa aa wola a waa jemɛ. A ɛ waa Korowii aa ɛa cheɡ yaa mɔɔ dɛ ta harɛ nɔ, ásɛ a ba cha yaa ya dɔ jirima.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Ɛfesos 3:9

Korowii aa ta komɛlbwa saŋ la ba le fini, o kpɔ waa nɔ ne ɡɛ a ŋwɛnɛre aa doa sɔh nɛwɛnyina. Kɛ o pili a bini baɡ mɛ ń bol baɡle nɛra bwa ba jemɛ.

Hibru 1:1

A saŋ la dɛ Korowii cheɡɛ o keamere nɛɛ dɛɛ bol waa ya naawa be. Kera aŋwɛnɛ bwaa o bol waa ba be. Dɛ ŋwɛnɛre waa cheɡɛ a ta dɛɛ bol waa ba be fuuh.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 17:8

Olchɔɡe la haa nao la, o siwi fa lole. Kɛ taraken te o siwi toole kpa. O dɛ ba teehna dɛ́ le Bɔnsam Bɔluŋ la bini, dɛ́ la Korowii ka chɔɡo. Nɛra baa lɔ harɛ nɔ ta Korowii aa wola ba sɔna chwerɛ do Mkpa Tɔn la bini nyundua ne harɛ mumpar bwa la, ba nyoa ɛɛ kpoo ɡɛ saŋ baa na olchɔɡe la kɛŋɔ o fa aa lole waa wola berɛ do le kpa dɛ berɛ le la.