Matiu 13:22 - mzwDBL

²² Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

Matiu 13:22 ပူးပေါင်းရင်းမြစ်များ

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Sɛɡla 11:28

Nɛn waa dɛ hwɛɡɛ o kondɔɔh ta la, wɛɛ cholo kɛŋɔ hwel saŋ papoo yon le la, kɛ nɛn o wa aa toɡra te ɛɛ do werii, kɛŋɔ bwaala nee saŋ papoo ken.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Jeremia 4:3

Kenii Korowii bol Juda ne Jerusalam tena be, “Hé pwɛr he bambili kɛŋɔ paa yon buɡli harɛfale mɔɔ dɛ́ du kwaa la, dɛ bɛ kondwee kpɔ du sɔɔhne baah.

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Matiu 13:39

Baa la dɔm la waa kaa merɛ kpɔɡchɔɡa koo mea tenten la ta la cheɡɔ tɛ Bɔnsam. Kwaa la koma la cheɡɔ tɛ waa bwa jaɡa saŋ, asɛ nɛra baa koma la cheɡɔ tɛ nyundua toroma la.

Matiu 13:40

Gɛ baa vɔrɔwe kpɔɡchɔɡa la dɛ che ka do nii ta a fuh la, ɡɛɛ waa bwa jaɡa saŋ ɛɛ ba doe.

Matiu 13:7

Mea la ane ɡe lee sɔɔhne baah, asɛ sɔɔhne la kpeɡ dɛ lawa, a ta wone ɛ.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Amanesoma Luk Aa Chwera Tɔn 12:21

Waa Yeesu aa bola dɛ kpɔ teŋe ɡɛ waa la ta laanee kɛ, “Gɛɛ aa ba nɛra baa kwaa kondɔɔh dɛɛ cheɡ ba te harɛ ta bonɔ baa wola kembɔr bɛlbwa dɔe Korowii be la nɛɛ doe.”

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Amanesoma Luk Aa Chwera Tɔn 8:14

Asɛ anɔ la ɡe aa lee sɔɔhne baah, sɔɔhne la lawa a sewɛ la ɡee nɛra baa no Korowii Waa la, asɛ ba soɡa bini ne kondɔɔh waa ne wepuu aa lɔ harɛ nɔ ta beɡre ba sie, baa ɡelɛ waa la ɛɛ dɔ tɔnɔ la.

We-ɛɛla 8:18

Seemɔn aa naa kɛŋɔ dawa Pita ne Jɔn aa kpɔ nɔɔra darawe nɛra la nɛɛ laanee ɡela Korowii Domadɛɛɡe la ba so ba nɛɛ la, o kpɔ suuɡa ba ba be,

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

1 Kɔrent 2:8

Harɛ nɔ ta nomonjena fa ta a ɡɛ wejema nɔ mun noɛ. Dɛ ba fe no a mun aa, ba fe ta ɡelɛ ba kpo ya Dɔɔ la waa dɔ jirima la daɡaɡre ta.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.