Matiu 13:15 - mzwDBL

¹⁵ dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Matiu 13:15 ပူးပေါင်းရင်းမြစ်များ

Yela 119:70

Ba nyu bini kpeɡri, ba tea aa nɛn nɛɛ domɛ, kɛ he Mmarare la taa mɛɛ dɔ silɛɛ.

Sɛɡla 16:30

Nɛn waa laa sie dɛɛ kpɔ waa ta la dɛ lii wechɔɡa, o dɛ tɔ nyoa nyiŋi wechɔɡa chiɡ.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Aesaya 57:18

N jemɛ ɡɛ ba wechɔɡa ɛɛ aa chɔɡ ba kɛŋɔ weela, kɛ mɛɛ chaah baa, dɛ́ tɔ ba sie, dɛ́ baɡ ba ŋwɛnɛ, dɛ́ larawe banɔ la baa dɛ wi bwara,

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Jeremia 17:14

N Naa Korowii, chaah mɛ ásɛ n bwara sɔɔh mɛ kɛrɛdɛ. Lɛɛ mɛ ásɛ n dɔ bosɔɔhna kohona, dɛkalkɛ henee mɛɛ kpɛɛ saŋ bɛlbwa.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Hosia 14:4

Korowii ŋɔ, “Mɛɛ berɔ lawɛ n nɛra ba n be, dɛ́ nyin ba waa n bambile bwa ne, dɛkalkɛ n bandia toole ba nɛɛ kpa.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.

We-ɛɛla 28:27

Dɛkalkɛŋɔ nɛra nɔ bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire ásɛ n lɛɛ ba.” ’ ”

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

We-ɛɛla 7:57

Belaa nomonome la nyɛɡ o nɛɛ bab! Dɛ kpɔ nɔɔra tɔɔɡe ba deŋna dɛ́ bɛ o wobol la no kpa. Buɡ la ta, dɛ ba bwa lɔɔ ba tɔ o nɛ,

2 Timoti 4:4

dɛ́ laa ba deŋne kpɔ kasinteŋ waa la ta, dɛ́ kaa no nyosonwa.

Hibru 5:11

Waa yaa dɔa dɛ bol he be dɛ le ɡɛ waa nɔ ta la warɔ, kɛ a bini baɡla kpeɡri, dɛkalkɛŋɔ haa waa mun no.

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.