Matiu 12:39 - mzwDBL

³⁹ Anee Yeesu chaŋ ba ŋɔ, “Ɛrɛɛ fini nɛra ɛ wechɔɡ-ɛɛra ɡbo baa wola Korowii ɔmɛ ɡɛ nɔɔ? Maa wobɛlbwaa ɛ hé na, nemenɛ waa aa pu Korowii keame Jona la dɔŋ ɡboo dɛɛ ba n ɡe pui, ásɛ he che a ta jemɛ n nɛnsoo.

Matiu 12:39 ပူးပေါင်းရင်းမြစ်များ

2 Koranar 14:25

Kooro Jɛroboam waa teŋa nɛɛ yoo lɛ Israel harɛ o jwɛhre aa lɔ Hamat waa lɔ weekaŋle harɛbɔr, dɛ kaa Yar Mpo waa lɔ weekaŋle nyunduabɔr. Dɛ ɡɛɛ Korowii Israel tena aa dɛ tomɔ la che o keame Jona nɛɛ dɛ bol. Jona le bwɛɛ bɛl baa dɛ yerɔ Gat Hɛfa, o mɛɛ sɔne Amitai.

Aesaya 57:3

Kɛ heya, sɔmmɔra bii, nɛra baa dɛ chɔɡ yal ne jwamane tena bii, hé ba bonɔ!

Jona 1:1

Baa bɛl fa lole baa yerɔ Jona, o mɛɛ sɔne Amitai. Awola bɛl, Korowii ŋɔ Jona be ŋɔ,

Matiu 16:4

Fini nɛra haa ɛ wechɔɡ-ɛɛra ɡbo haa wola Korowii ɔmɛ nɔ, heyaa ŋɔa ń ɛ nyokpowaa he na naa? Maa wobɛlbwaa ɛ hé na. Waa aa pu Korowii keame Jona la dɔŋa ɡboo dɛɛ ba n ɡe pui, ásɛ he che a ta dɛ́ jemɛ n nɛnsoo.” Anomanta, o ɡel ba bela dɛ kaa.

Amanesoma Mak Aa Chwera Tɔn 8:12

Yeesu hweero fuuu dɛ ŋɔ, “Ɛrɛɛ fini nɔ nɛra ɛɛ nyin nyokpowaa dɛ́ na nɔɔ? Kasinteŋ, maa wobɛlbwaa ɛ fini nɔ nɛra na.”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Jems 4:4

He nɛnchɔɡa nɔ haa wola Korowii ɔmɛ kɛŋɔ hanchɔɡe waa dɛ nyin baala nɔ! Haa jemɛ kɛŋɔ nɛn waa dɛ nyin harɛ nɔ ta kwaa la vɛh Korowii dɛ ɛ o dɔm kɛɛ? Nomɛlbwa waa daŋre harɛ nɔ ta kwaa nyina ne la vɛh Korowii.