A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”
Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.
O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.
Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,
O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.
Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.
‘Hale ya pee he bwɛɛ nɔ teera aa ɛ ya napaala la ta, dɛ baɡle kɛŋɔ ya kpɔ Korowii Waa ba he be he vɛah. Kɛ a chɛ kɛ hé jemɛ kɛŋɔ Korowii Kora la pu heya.’
Mosis Mmara la ne Korowii keamere la waa la baa chwera laanee lole baa baɡle mɔɔ, dɛ́ ka tel ɡɛ saŋ Jɔn o fa aa dɛ sɔ nɛra Korowii nee la aa bala. Le ɡɛ saŋ waa bala dɛ baa bol Korowii Kora la Amanesoma la, nomɛlbwa siwi swɛɛrɔ wɛɛ nyin bɔr dɛ́ ja Korowii Kora la ta.
He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.
Kondikwaa yaa dɛ di ne anɔ la yaa dɛ ki la ta wejena bɛlbwa ɛɛ Korowii Kora waa bini. Waa aa ɛ wehiah laanee kɛŋɔ ɡɛ yaa ɛ ya waa su Korowii siwi, ne waa aa dɛ ba deŋnesɔɔhna ne ya ne ya dɔŋa baah ta, ne silɛɛ aa le Korowii Domadɛɛɡe be.
Anomanta, a chɛ kɛ yaa jam Korowii saŋ bɛlbwa kɛŋɔ waa ɡela ya do o Kora waa wola yiiɡi ta nɔ. A chɛ kɛ yaa tomɔ ɡɛ aa too o tea, dɛɛ tɛo duure dɛɛ ɔmɔ,
Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.