Matiu 11:28 - mzwDBL

²⁸ He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Matiu 11:28 ပူးပေါင်းရင်းမြစ်များ

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Job Tɔn 5:7

Ba lolɛ nɛn aa, dɛ o ne waa, kɛŋɔ nihɛm yon chuɡri dɛɛ kaa nyundua la.

Yela 116:7

Anomanta, n liiro ŋɔ, N wee, ɡel he baah sɔɔh name, nyiŋa Korowii aa nyiŋi n nɛɛ la wa.

Yela 32:4

N Naa Korowii, chɔɔ ne jwaana bwaa he tɛr n deŋne, asɛ n bokpeɡa bwa tonɛ, kɛŋɔ wee yon lɔ bobɛlbwa hol hwel saŋ la.

Yela 38:4

N wechɔɡa ɡwaa n nɛɛ kohona, a do kɛ bontɔɡa maa wola won che.

Yela 94:13

Wenaale ane dɛ ba ba nɛ aa, he ɡelɔ baa dɔ bosɔɔhna, ka tel kɛŋɔ baa forɛ bɔɔ, dɛ́ harɛ nyubinikpeɡ tena bel.

Wejereme 1:14

N na komɛlbwa nɛra aa dɛ ɛa harɛ nɔ ta, a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 1:8

Wobɛlbwa ɛ koeh tenten, nɛn aa wola won bola ka tonɛ. Siwi aa won ɡel nyiŋa, deŋne ɡe aa a noe ɡel.

Wejereme 4:8

Dɛ baa bɛl ɡboo soɡa, o ta bibaa kɛɛ nime dɔe. Dɛ tɔpere bɛlbwaa wɛɛ koh, kɛ o siwi aa o kondɔɔh su. Ate, o bɔɔ ŋɔ, “Ume waa mɛɛ koh maa wola won lɛ n sie nɔɔ?” Anɔ ɡe ɛ wepuu, bosɔɔhna aa wola toole a ta.

Aesaya 1:4

Wechɔɡ-ɛɛra ɡbo harɛ, nɛra ba wechɔɡa aa ɡwaa ba nɛ, wechɔɡ-ɛɛra naanar ɡboɡbo, he vɛh Korowii, dɛ berɛ habɔɔ kpoo. He dɛ nyiŋi Israel tena Nɛŋɡoroŋ la nyubaah.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 28:12

Korowii ŋɔ ba be ŋɔ, “Ona bɔree la, nomɛlbwa waa koah la, ó ba onɛ,” dɛ berɛ ŋɔ, “Deŋnesɔɔhna bɔree” kɛ baa no.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Jeremia 31:25

Mɛɛ ɡeloo nɛra ba bambile aa chɔɡa la dɔ bokpeɡfala, ásɛ dɛ tɛ nomɛlbwa lɔr aa kpoo o ɡwɛɡre kondikwaa o di.”

Jeremia 35:16

Jonadab naanar teŋɛ waa ba nabaa aa bol ba be la ta, kɛ he ta n waa ta teŋɛ.’

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Matiu 23:4

Ba kpɔ ba mmarare ɛ bontɔɡa, dɛ ɡel nɛra che dɛɛ koh, kɛ ba te ɡbaɡba aa berɛ ɛɛ nyin kɛ bá kpɔ nonii ɡba leɡa, ásɛ a ba ɛ kɛ baa choɡ baa ɡba.

Amanesoma Jɔn Aa Chwera Tɔn 6:37

Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

We-ɛɛla 15:10

Aah dɛ ɛrɛ waa hɛɛ nyin kɛ he daah Korowii dɛ na nɔɔ? Dɛ bontɔɡa ya ne ya naawa bwa fa aa wola wone che la laa hɛɛ nyin he kpɔ choɡ ba nɔ naa?

We-ɛɛla 20:35

N cheɡɛ n we-ɛɛla ta dɛ baɡle heyaa kɛŋɔ a chɛ kɛ ya swɛɛ siwi ɛ toma ken, ásɛ dɛ won dɛɛ cha nɛra baa wola kpeɡe la. A chɛ kɛ yaa lii waa ya Dɔɔ Yeesu ɡbaɡba aa bola ŋɔ, ‘Nɛn waa dɛ kɛ nɛra kwaa la, o dɛ na som o bwara ɛɛ sɔɔhno, dɛ ɡwaa nɛn baa dɛ kɛo kwaa’ la.”

Galaasia 5:1

Ya di ya nyu. Yeesu Kristo foo yaa, anomanta, ya ta nɛndɔɔla ɛɛ kpa. Waa foo heyaa nɔ, hé che kiŋkiŋ. He bɛ ɡel ba kpɔ waa dɛɛ ha heyaa kpa.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.