Matiu 11:21 - mzwDBL

²¹ “Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Matiu 11:21 ပူးပေါင်းရင်းမြစ်များ

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Emɔs 1:9

Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.

Matiu 11:22

Kasinteŋ, awola Korowii aa ba dɛ́ ba bol nɛra bwa waa dɛ́ pa bole la, wɛɛ na Taaya ne Sidon tena sumii ɡwaa heya.

Matiu 15:21

Yeesu le bela dɛ kaa bwɛjena Taaya ne Sidon pera.

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Matiu 26:24

Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

Amanesoma Mak Aa Chwera Tɔn 3:8

ne Jerusalam ne Idumia harɛ ne Jɔɔdan Moo wee leebɔr, dɛ nɛra baa le bwɛjena Taaya ne Sidon pera bwa no o wa, dɛ ba o be.

Amanesoma Mak Aa Chwera Tɔn 6:45

Belaa o ɡel o habɔteŋra la jo ɡbera bini dɛ tɔ sie kaa baŋ bobɛl baa dɛ yerɛ bela Bɛtsaeda, asɛ o ɡe ɡel nɛra la peɡre.

Amanesoma Mak Aa Chwera Tɔn 7:24

Yeesu berɔ ir le bela kaa bwɛjen Taaya pera, dɛ ka jo dem bɛl ta, dɛ́ fee so bela tama ásɛ nomɛlbwa bɛ jemɛ, kɛ o ta wone sɔh.

Amanesoma Mak Aa Chwera Tɔn 7:31

Yeesu berɔ le Taaya harɛ dɛ kpɔ Sidon ne Dekapɔles harɛ dɛ kaa Galilia Moo la ta.

Amanesoma Mak Aa Chwera Tɔn 8:22

Yeesu ne o habɔteŋra la Bɛtsaeda. Asɛ nɛra bane kpɔ baa bɛl waa nyoŋa ba o be, dɛ ba soŋo ŋɔ ó kpɔ nɔn leɡe nyoŋe la ó sie pili.

Amanesoma Luk Aa Chwera Tɔn 4:26

kɛ Korowii ta Elaeja tomɛ ba bini bɛlbwa be. Luhaah bɛl waa lɔ Sidon harɛ bwɛɛ bɛl baa yerɔ Sarefat la ɡbo bee o tomɔ.

Amanesoma Luk Aa Chwera Tɔn 6:17

Waa le o toroma la tonɛ la, o ne ba le deŋɡare la doa dɛɛ tu harɛ, dɛ ba pu o habɔteŋra la bane, asɛ o ne ba che bobɛl waa chɔ harɛ. Ba warɔ pirim dɛ le Juda harɛ, ne Jerusalam, ne mpo nyoa bwɛjena baa dɛ yera Taaya ne Sidon,

Amanesoma Luk Aa Chwera Tɔn 9:10

Yeesu toroma la balɔ dɛ ba bol waa baa kaa ɛ o be, asɛ o kpɔ ba le nɛnlaa la bini ba kaa bwɛɛ bɛl baa dɛ yerɔ Bɛtsaeda la ta.

Amanesoma Jɔn Aa Chwera Tɔn 1:44

Dɛ Felep bwɛɛ Bɛtsaeda, belaa Andriu ne Pita ɡe le.

Amanesoma Jɔn Aa Chwera Tɔn 12:21

Ba la Felep waa le Galilia harɛ bwɛɛ baa dɛ yerɔ Bɛtsaeda la be, dɛ ka soŋo ŋɔ, “Nomoa, ya dɛ nyin Yeesu dɛ́ nao.”

We-ɛɛla 12:20

Dɛ o baah di bwɛɛre baa dɛ yera Taaya ne Sidon la tena nɛɛ taeh. Bela bwɛɛre nɔ tena nyoa pɛo, asɛ ba ba dɛ ba na Kooro bonɔɔna nomoa bɛl baa dɛ yerɔ Blastus la ŋɔ ó cha ba, dɛ́ larawe Kooro ásɛ ba ne o pɛ, dɛkalkɛŋɔ dɛ Kooro Hɛrɔd harɛ taa a ɡɛ nɛra nɔ ɛɛ yawɛ ba kondikwa.

We-ɛɛla 27:3

Tɔ aa pera laanee ya jo Sidon. Juleɔs kpoŋe Pɔɔl kɛrɛdɛ, dɛ tɛo ŋwɛnɛ ó ka na o daamanar, ásɛ ba tɛo kwaa aa chɛ kɛ o dɔ o ŋwɛnɛ la ta.

Tɔn Jud Aa Chwera 1:11

Bá bwɛɛlɛ! Ba teŋɛ Keen ŋwɛnɛchɔɡe la ta. Ba koh suuɡanyin waa dɛ kpɔ ba te jo wechɔɡa Balam fa aa ɛa la ta. Ba dɛ vuuɡi Korowii kɛŋɔ Kora fa aa dɛ ɛ la. Korowii ɛɛ chɔɡ baa kɛŋɔ waa chɔɡ Kora la ken.

Wepila 11:3

O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.