Matiu 10:33 - mzwDBL

³³ Nomɛlbwa ɡe waa vɛɛh mɛ nɛra baah ta, dɛ ŋɔ o ta n nɛɛ jae la, ɡɛɛ n ɡee ba o vɛɛh n Mɛɛ waa lɔ nyundua la sie, dɛ́ ŋɔ n ne o laa.

Matiu 10:33 ပူးပေါင်းရင်းမြစ်များ

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Amanesoma Mak Aa Chwera Tɔn 14:30

Belaa Yeesu ŋɔ Pita be ŋɔ, “Kasinteŋ, jabal loɡle ne sii kera anɛ kere chɔmbibi ne dɛ he tɔɔh kera atoro ŋɔ haa men jemɛ kwaraa!”

Amanesoma Mak Aa Chwera Tɔn 14:72

Buɡ la ta, dɛ jabal nɛɛtena sio, asɛ Pita lii ɡɛ Yeesu aa ŋɔ o be ŋɔ, “Jabala ne sii kera anɛ dɛ he tɔɔh kera atoro bwa ŋɔ haa men jemɛ bwa” la. Waa lii a ɡɛ waa nɔ la, dɛ o dɛ wi.

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Luk Aa Chwera Tɔn 12:9

Nomɛlbwa ɡe waa vɛɛh mɛ nɛra baah ta, dɛ ŋɔ o ta n nɛɛ jae la, awola Korowii aa ba dɛ́ ba bol nɛra bwa waa dɛ́ pa bole la, n ɡee vɛh naatee nyundua toroma sie ŋɔ n ne o laa.

Amanesoma Luk Aa Chwera Tɔn 22:57

Anee Pita tɔh pelepele ken dɛ ŋɔ tolo la be ŋɔ, “Maa on jemɛ kwara!”

Amanesoma Luk Aa Chwera Tɔn 9:26

Nomɛlbwa sihiih aa dɛ kpoo n ne n webaɡla nɔ ta la, awola Men Nɛn Bie ne nyundua toromedɛɛɡa aa ba n Mɛɛ jirima ne la, maa naatee heeh awola tɔpere.

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

2 Pita 2:1

A saŋ la, nɛra bane teŋe nyosone ŋɔ Korowii keameree ban Israel tena bini. Gɛɛ nɛra ɛɛ ba bala dɛ ba teŋe nyosone ŋɔ ban dɛɛ chaɡle nɛra waa he bini. Baa dɛɛ chaɡle waa aa wola kasinteŋ ɛɛ, dɛ́ ɡel nɛra nyoɡre. Gɛ ba wechaɡla aa doa la, haa won jemɛ kɛŋɔ a ta kasinteŋ ɛɛ. Baa vɛh ba Dɔɔ waa bɔ ba wechɔɡa kem la waa, dɛ́ ɡel Korowii chɔɡ ba, ba sewɛ seopiɡri.

1 Jɔn 2:23

Nomɛlbwa waa dɛ tɔŋle kɛŋɔ Yeesu Kristo laa Korowii Bie la, waa won yerɛ Korowii o Mɛɛ. Gɛɛ a do, nomɛlbwa waa sɛah ŋɔ Yeesuu Korowii Bie la, o Mɛɛɛ Korowii.