Matiu 10:15 - mzwDBL

¹⁵ Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

Matiu 10:15 ပူးပေါင်းရင်းမြစ်များ

Matiu 12:36

N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.

Matiu 5:18

Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Matiu 7:22

Tɔpejen maa ba la baa tel aa, nɛra ɛɛ warɔɔ dɛ́ baa bol n be ŋɔ, ‘N Dɔɔ, he sɔn ne laa ya bol Korowii Waa la aa? He sɔn ne laa ya doŋi kwaa nɛra nɛɛ la aa, kɛɛ he sɔn ne laa ya ɛ nyokpowa damanta la bwa la aa?’

Amanesoma Mak Aa Chwera Tɔn 6:11

Dɛ ba ta heyaa lɛɛ silɛɛ ne bwɛɛ la ta naa, hé pee he napaala teera ta bela, ásɛ a baɡle kɛŋɔ he kpɔ Korowii Waa ba ba be ba vɛah.”

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

Amanesoma Jɔn Aa Chwera Tɔn 6:39

N Mɛɛ Korowii waa tom mɛ la tetoowaa kɛŋɔ nomɛlbwa waa kpɔa tɛ mɛ la bɛ n nɔn ta le, asɛ tɔpera bwa jaɡa wee la, ń iru seo ta.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

1 Kɔrent 3:13

Dɛ Korowii Tɔpere waa dɛ ba nɛra bwa waa bola dɛ́ pa bole la telaa, belaa baa ba nae ɡɛ bɛlbwa toma aa doa. Awola tɔpere la, niinii dɛɛ ba toma nomɛlbwa aa ɛa la wer bini baɡla.

1 Tesalonika 5:4

Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ.

Hibru 10:25

ásɛ dɛ bɛ chema yaa dɛ cheme saŋ bɛlbwa la ɡel, kɛŋɔ bane aa ɡela la. Waa bwa jaɡa tɔpere la dɛ tel, anomanta, hɛ́ɛ do dɔŋa ɡbemba.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

1 Jɔn 4:17

Waa lawɛ yaa pɛl o nɛɛ la, a taa a che nyina la do ya nɛɛ kɛrɛdɛ ka tonɛ, asɛ ya dɔ hwɛɡa awola Yeesu aa ba, dɛ́ ba bol nɛndɛɛɡa ne wechɔɡ-ɛɛra bwa waa dɛ́ pa bole la. Yaa Yeesu bala waa ɔmɛ, dɛkalkɛ ɡɛ o da aa doa la, ɡɛ tentenee ya ɡe do nɛra baa dɔ harɛ nɔ ta ɡbo liire bini.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.