Malakae 4:6 - mzwDBL

⁶ Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Malakae 4:6 ပူးပေါင်းရင်းမြစ်များ

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Aesaya 40:3

Nomɛl dɛ bol waa takpeɡ ne pua hɛŋle ɡbo harɛ ta ŋɔ, “Nɛ́ra ɡel ba we-ɛɛla toɡre, dɛ́ kpɔ ba te dɛɛ kpa ba Dɔɔ bala.

Aesaya 43:28

Anomanta, mɛɛ le he sɔforee le ba toma ta Korowii Dea sihiih kpo ba. Mɛɛ kpɔ Israel tenaa do ba dɔma nɔn ta bá chɔɡ ba, ba tama baa ka ɡe, bá ɛɛ ba nɛnhɛla.”

Aesaya 61:2

O tom mɛ ń ɡel nɛra bwa jemɛ kɛ tɔpere Korowii aa dɛ ba o nɛra lɛɛ dɛ́ tɛr ba dɔma deŋne telo, dɛ́ larawe nɛra bwa baa dɛ wi bwara.

Aesaya 65:15

He sɔn ɛɛ berɛ tooh tɛ nɛra maa lee ba tɛ n te laanee. Men Nemenɛ Korowii ɡbaɡba ɛɛ kpoo heyaa, dɛ́ tɛ banɔ la baa dɛ duu mɛ kɛrɛdɛ la sɔnfale.

Daneɛl 9:11

Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Sekaria 13:8

Korowii ŋɔ, “Harɛ la ta bwa ba bɔne ba bini bɔre atoro naa, baa kpɔ kerii kpoo bɔre anɛ nɛra á ba ka bɔrbeŋkpoŋ nɛra.

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Sekaria 14:2

Korowii ɛɛ boa harɛre nɛra nyoa bá ba yo bwɛjen Jerusalam tena, dɛ́ lɛ bwɛjen la dɔɔh. Baa jo ba deene, dɛ́ pa ba laala, dɛ́ ɡuɡri ba haahna chɔ. Baa lawɛ bwɛjen la pera nɛraa kaa bojaŋ harɛfale ta, dɛ́ ɡel ba kar bwɛjen la ta.

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Amanesoma Mak Aa Chwera Tɔn 11:21

Belaa Pita lii ɡɛ aa ɛa mɔɔ daa la sewɛ la, dɛ ŋɔ Yeesu be ŋɔ, “Nomoa, na. Fiɡ daa la haa taahno la sewɔ!”

Amanesoma Luk Aa Chwera Tɔn 1:76

Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 22:3

Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ,