Malakae 4:2 - mzwDBL

² Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Malakae 4:2 ပူးပေါင်းရင်းမြစ်များ

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Yela 147:3

O ɡelɔ nɛra ba bambile aa chɔɡa dɔ bolarawa, dɛ vɔrɔwe ba ŋwɛra.

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Yela 67:1

N Naa Korowii, na ya sum dɛ swee yaa andɛɛɡa, nyiŋi ya nɛɛ dɛ́ na ya sum,

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

Aesaya 49:6

O ŋɔ n be ŋɔ, “N bonɔɔ, n dɔ wejena ane tɛɛ he ɛ. Israel tena baa kaa la ɡbo sie laa hɛɛ ba tɔe. Mɛɛ ɛɛ kɛŋɔ kandea hɛ́ɛ chaah harɛre nɛra baa wola Israel tena ɛɛ la bwa nɛ, ásɛ n won lɛ nɛra baa lɔ harɛ jaɡa bwa.”

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 53:5

Ya wechɔɡa waa ba doo bol, ya wechɔɡa waa ba lɔɔro. Gɛ aa ɛ yá dɔ bosɔɔhna waa o dɔ deŋnetɛra, á che a ta ya dɔ bokpeɡa.

Aesaya 9:2

Nɛra ba fa aa do kɛŋɔ nɛra baa soɡe biro ta, berɔ na nii bɛl o chaah tɛ ba bwa. Gɛ nɛra nɔ ba wechɔɡa aa ɡela ba do seo lɔɡa, kɛ nɛra baa soɡe biro ta la, ba na nii bɛl o chaah kohona tɛ ba bwa.

Jeremia 17:14

N Naa Korowii, chaah mɛ ásɛ n bwara sɔɔh mɛ kɛrɛdɛ. Lɛɛ mɛ ásɛ n dɔ bosɔɔhna kohona, dɛkalkɛ henee mɛɛ kpɛɛ saŋ bɛlbwa.

Jeremia 30:17

Kɛ mɛɛ berɔ ɡel he dɔ bokpeɡa ásɛ dɛ chah he ŋwɛra, a lole kɛŋɔ he dɔma dɛ bol kɛŋɔ, ‘Ba vɛh Saayɔn, nomɛlbwa aa o waa dawɛ kpa.’ Men Korowiirii bola.”

Jeremia 33:6

Kɛ bwɛjen nɔ nɛra te, mɛɛ berɔ ɡel bá dɔ bokpeɡa, dɛ́ ɡel ba dɔ deŋnesɔɔhna ne bosɔɔhna ɡe kohona.

Ɛsekeɛl 47:12

Daa aa dɛ nɔnɛ bwa soo siwi ɛɛ le nee la nyoa baŋ bɛlbwa taa. A papooni aa hola ba, aa nɔnaa ɡel. Korobie bɛlbwa taa aa ba nɔna, dɛkalkɛ nee le Korowii Dea bela palɛ dɛɛ ba bela. A nɔna la ɛɛ ɛ kondikwaa, ásɛ ba kpɔ a papooni ɡe dɛɛ chah weela.”

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Malakae 3:16

Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Amanesoma Luk Aa Chwera Tɔn 1:78

N Naa Korowii tea aa dɛ domɛ nɛn nɛɛ kohona nomanta, wɛɛ ɡeloo o wee ɛɛ chaah yaa,

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Amanesoma Jɔn Aa Chwera Tɔn 1:4

Korowii Nyoa Wobol la bee Korowii mkpa do, asɛ ɡɛ mkpa nɔ ɡe ɛ kɛŋɔ nii dɛɛ chaah nɛwɛnyini sie.

Amanesoma Jɔn Aa Chwera Tɔn 1:8

Dɛ Jɔn ɡbaɡba laa ɡɛ nii la. Balaa o ba dɛ ba bol nɛn waa ɛ nii tenten la waa ásɛ nɛra jemɛ o wa.

Amanesoma Jɔn Aa Chwera Tɔn 12:40

“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Amanesoma Jɔn Aa Chwera Tɔn 9:4

A wer kɛŋɔ bɔr aa chaahna nɔ, ya swɛɛ siwi dɛɛ ɛ Naate waa tom mɛ la toma, dɛkalkɛ bɔr dɛ ba bira nomɛlbwa aa wola won ɛ toma bɛlbwa kpa.

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

We-ɛɛla 13:47

dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

1 Jɔn 2:8

Kɛ ŋwɛnɛ bɛl ɡe ta la, a ɛ wefala, dɛkalkɛ biro dɛ kaa. Bochaah tenten balɔ, asɛ bɔr ɛɛ chaah kɛrɛdɛ. Yeesu we-ɛɛla ne he ɡbaɡba we-ɛɛla baɡle a ɡɛ waa nɔ mun.

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 2:28

dɛ́ tɛo chɔmbibi wewee la.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.

Rut Tɔn 2:12

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”