Malakae 4:1 - mzwDBL

¹ Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Malakae 4:1 ပူးပေါင်းရင်းမြစ်များ

Job Tɔn 18:16

Ba do kɛ daa waa sewa le o lune ta ka ta o kpala ta.

Yela 119:119

Nɛnchɔɡa do kɛŋɔ haahra he siwi ta, anomanta, n sie dɛ lɛ he webaɡla ta.

Yela 37:9

Nɛra baa dɔ hwɛɡa Korowii nɛɛ la ɛɛ dɔ harɛɛ dɛ́ so o ta, kɛ nyubinikpeɡ tena te, baa doŋ ba le o ta.

Kaala 15:7

He kpeɡri ne he jirimaa he kpɔ taɡɛ he dɔma ta. He ɡelɔ he bandia kohona ba fuuh ba kɛŋɔ kpɔɡa ken.

Aesaya 40:24

Ba do kɛŋɔ kwaa baa dua, kɛɛ kwaa baa mera, a pa mun dɛɛ dɔ lune, asɛ Korowii ɡel peu ta a ta a hol, asɛ kawulewule kpɔa kaa kɛŋɔ haahra ken.

Aesaya 41:2

Umee le nɛn le wee leebɔr ɔ? Umee tɛo kpeɡri o won yo lɛ harɛre dɛ pɔ a koranar nɛɔ? O kpɔ o tokobi dɛ kpoo ba, dɛ kpɔ o to ne hɛma ba peɡre, kɛŋɔ peu aa taa dɛ kpɔ tutuɡ ne haahra kaa la.

Aesaya 47:14

Na, ba do kɛŋɔ kpɔɡhole, nii ɛɛ fuuh baa. Hale baa won lɛ ba te le ninlao la ta kwara. Gɛ nii la ta doe kɛŋɔ nii haa won la a jwɛɛh ka ŋwee.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 9:18

Ba wechɔɡa do kɛŋɔ nii naa dɛ lawɛ, dɛɛ fuh jabalnadaŋɛ ne sɔɔhne ken. A dɛ lawɛ kɛŋɔ kɔr aa dɛ fuh, a chuu ɛɛ kaa nyundua la ken.

Aesaya 9:19

Koranar Bwa Kooro bandia nomanta, o deŋnetɛra do kɛŋɔ nii aa dɛ fuh harɛ la ta bwa, dɛɛ fuh nɛra. Ásɛ nomɛlbwa aa o dɔŋ sumii na kpa.

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 21:32

Niinii mɛɛ ba kpɔe fuh heya. He ɡbaɡba harɛ taa hɛɛ ba serewa, baa wola he waa lii kpa. Men Korowiirii bola.’ ”

Ɛsekeɛl 24:11

Hé kpɔ buni vii ɡbo chɔŋɛ ninhɔla ta, dɛ́ ka tel kɛŋɔ waa bea dɛ swɛɛ, ásɛ doŋa bɛlbwa aa lɔ o bini la fuh, ó berɛ do wer kohona.

Ɛsekeɛl 34:17

Nemenɛ Korowii ŋɔ, “N peera, mɛɛ nyiŋi he binii dɛ́ pere pedɛɛɡa le anchɔɡa bini, dɛ́ pere pebala le boohna bini.

Ɛsekeɛl 7:10

Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Sekaria 14:1

Tɔpere Korowii aa lea cheɡ dɛ́ bol nɛra waa dɛ́ pa bole la dɛ ba. He dɔma ɛɛ ba pa he Jerusalam tena laala kɛ laa ta kwa, dɛ́ bɔna he siwi ta.

Malakae 3:15

Kɛ taraken nɔ, ya dɛ yerɛ nɛra baa dɛ ɛ jenu bosɔɔhna tena. Kasinteŋ, waa wechɔɡ-ɛɛra aa dɛ ɛ la, a dɛ do wer dɛɛ chiɡ ba kɛrɛdɛ, hale banɔ la baa dɛ tɔŋle Korowii dɛ vɛh o waa la aa deŋnetɛra bɛlbwa dɔ.’ ”

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Amanesoma Luk Aa Chwera Tɔn 19:43

Tɔpere bɛl ɛɛ bao ásɛ he dɔma ba ma danjwɛɛ bar he bwɛɛ nɔ, dɛ́ tɔ heyaa do haa wola won le.

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

Amanesoma Luk Aa Chwera Tɔn 6:23

Dɛ a ba ɡɛ naa, hé ɡel he sie lɛ kohona ásɛ he hɛɡre, dɛkalkɛ he kembɔr warɔ taeh Korowii be. Gɛ tentenee ba naanar ɛ Korowii keamere ba fa aa lole la.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.