Malakae 3:3 - mzwDBL

³ Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Malakae 3:3 ပူးပေါင်းရင်းမြစ်များ

Yela 116:17

Mɛɛ kpo kwaa ɛ jam sarahaa tɛɛ, dɛ́ kpɔ n wesoŋa bil he sie.

Yela 4:5

He ɛ sarahare Korowii aa ŋɔa la ásɛ dɛɛ yaradao.

Yela 4:6

Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

Yela 50:14

Hé kpɔ jam ɛ saraha tɛ men Korowii, dɛ́ ka chuɡri he nyobaɡa bwa Nemenɛ Korowii be.

Yela 50:23

Nomɛlbwa kpɔ jam tɛ mɛ naa, dɛ sarahaa o ɛ tɛ mɛ la, onee dɛɛ duu mɛ. O kpɔɔ kwaa ŋwɛnɛ dɛɛ cheɡ, dɛ́ na ɡɛ men Korowii aa won nɛra lɛɛ.

Yela 51:19

Ásɛ mɔɔ he sie lɛ saraha aa wera dɛ toɡre, ne saraha kwaa baa fuah la ta, mɔɔ yá kpoo nabala tɛɛ he saraha kon la ta.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Sɛɡla 25:4

Laa doŋa kpɔ suuɡapoŋ ta, ásɛ nɛn waa jemɛ a toma kpɔ kwaa kondɛɛɡe.

Aesaya 1:25

Mɛɛ tɛr he deŋnee kohona, dɛ ɛ heyaa kɛŋɔ ba yon kpɔ suuɡaswɛm do nii ta dɛ laa o doŋa kpɔ o ta la ken.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Aesaya 61:6

Baa yerɛ heyaa Korowii sɔforee, ne Korowii haa dɛ tomɔ la bonɔɔna. Harɛre nɛra kondɔɔh ɛɛ ɛ he kwaa, ásɛ he koh a waa dɛɛ ɛ mbarafo.

Jeremia 9:7

Anomanta, Koranar Bwa Kooro ŋɔ, “Mɛɛ do n nɛra nii taa, dɛ́ daah ba na kɛŋɔ ba yon kpɔ buni do nii ta la ken. Bɔkwaa mɛɛ ba ɛɛ n nɛra wechɔɡa waa jaɔ?

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Nɛra Kura 8:6

“Lawɛ Lewi dea tena le ba dɔŋa Israel tena la bini, dɛ́ sɔ ba doŋa bwa ta dɛ́ lee ba cheɡ tɛ mɛ.

Amanesoma Luk Aa Chwera Tɔn 3:16

Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Felepae 2:17

Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

2 Timoti 4:6

N te, n seo tɔpere telo, n do kɛ sen baa dɔa dɛɛ ta dɛ ɛ saraha tɛ Korowii.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Hibru 12:10

Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”