Malakae 3:10 - mzwDBL

¹⁰ Kwaa haa bɔne a bini bɔre fi la, hé kpɔ bɔrbeŋkpoŋ ba tɛ men Korowii n Dea, ásɛ kondikwaa warɛ n Dea bela. Hé daah mɛ ɡɛ waa nɔ ta dɛ́ na, ásɛ n ɡel bwaala nɛ kohona, dɛ́ swee heyaa andɛɛɡa, dɛ́ ɡel kondikwaa warɛ he deremi kohona.

Malakae 3:10 ပူးပေါင်းရင်းမြစ်များ

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

Mumpar 7:11

Nowa aa di bene lafraanumɛl korobinɛɛte ta, tɔpera fi dɛ anuanɛ la taa harɛ bobɛlbwa bule, asɛ nyundua pili dɛ nɛ bwaala kohona.

2 Koranar 7:19

Dɛ kooro nomoa waa dɛ chao la fa ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Asɛ Korowii keame la fa chaŋo ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

1 Webena 26:20

Ba bala Lewi dea tenaa chɔ laala aa lɔ Korowii Dea bela ne deene baa dɛ cheɡ laala a yoɡ aa kpeɡa a bini, ne anɔ la baa kpɔa baa tɛ Korowii la bwa nyoa.

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 12:47

Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.

Nehemia 13:5

Asɛ Eliasib kpɔ dejen ba fa aa dɛ cheɡ mea baa kpɔa ba ɛ saraha ne daawiile, ne laala bwa soo siwi aa lɔ Korowii Dea, ne mea baa bɔne a bini bɔre fi bini bɔrbeŋkpoŋa, ne senfala dɛ ɔleve noo aa chɛ kɛ ba kpɔ tɛ Lewi dea tena, ne Korowii Dea yelɡoola dɛ nɛra baa dɛ nyiŋi doonyoo ta, dɛ anɔ la baa kpɔ tɛ sɔfore bwa, do Tobia nɔn ta.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 78:23

Kɛ ane a bwa, Korowii nyoa wobol ɡelɔ nyundua pili.

Wejereme 11:3

Baama biro kohona naa, anee ɡela bwaala ɛɛ nɛ harɛ ta. Daa cholo chɔ weekaŋle nyundua, kɛɛ weekaŋle harɛbɔr aa, buɡ ta bela waa chola laanee wɛɛ chɔ.

Ɛsekeɛl 34:26

Mɛɛ swee ba ne harɛre aa chɔa bar n bwejen waa do ɡoroŋ dɛ do Jerusalam la andɛɛɡaa. Mɛɛ ɡeloo bwaala nɛ o saŋ ta, á ɛ bwaala dɛɛɡa.

Ɛsekeɛl 44:30

He koo kondikonloɡla aa wera, ne komɛlbwa haa kpɔa baa tɛ mɛ la ɛɛ ɛ sɔfore la kwaa. He kpɔ menloɡla ba tɛɛ ba, ásɛ n swee andɛɛɡa tɛ heyaa he deremi.

Hosia 2:21

Awola tɔpere la, mɛɛ no n nɛra Israel tena wesoŋaa, ásɛ dɛ ɡel bwaala nɛ harɛ la ta,

Joel 2:19

Korowii chaŋ ba ŋɔ, “Mɛɛ tɛ heyaa mea ne senfala ne ɔleve noo kohonaa a maɡre he ne. Maa ɡel harɛre ta nɛra mamɛ heyaa kpa.

Joel 2:24

Mea lɔbɔra bwa ɛɛ su meaa, ásɛ ɔleve noo ne senfala su vɛɛhna dɛ́ɛ ta.

Lewi Dea Tena 26:10

Hɛɛ dɔ kondikwaa di a ka anfala baa pua, ásɛ he le ambena la ne ka ta, dɛ́ dɔ bɔr do anfala la.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Lewi Dea Tena 27:30

Kondikwaa bɛlbwa aa le harɛ la ta dɛ ɛ mea kɛɛ daa nɔna la, a chɛ kɛ he bɔne a bɛlbwa bini bɔre fi, dɛ́ kpɔ bɔrbeŋkpoŋa ba tɛ men Korowii. A ɛ kwaa aa do ɡoroŋ dɛ tɛ mɛ.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Nɛra Kura 18:21

Lewi dea tena te, Israel tena kwaa baa bɔne a bini bɔre fi dɛ kpɔ bɔrbeŋkpoŋ baa tɛ mɛ laanee n kpɔ tɛɛ ba kɛŋɔ ba kapɛrɛ, toma baa dɛ ɛ n Dea Cheremibɔr bela nomanta.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Mmarare 12:6

Belaa chɛ kɛŋɔ hé kpɔ saraha kwaa haa fuh ne anɔ la haa kpoo tɛo, ne komɛlbwa haa dɔa bɔre fi bini bɔrbeŋkpoŋ ne he koŋkɛɛla ne deŋnesɔɔhna sarahare, ne he ɡbaɡba bambile bini kwa, ne he nae dɛ peera biloɡla dɛɛ la kaa tɛo.

Mmarare 14:22

Anee Mosis berɛ ŋɔ, “Bena bɛlbwa koo kwaa haa dɔ la, hé bɔne a bini bɔre fi dɛ laa bɔrbeŋkpoŋ kwaa cheɡ.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 28:12

Wɛɛ pili nyundua dɛ́ nɛ bwaala saŋ waa wera ta, dɛ́ kpɔ cha he toma ásɛ he dɔ dɛ́ kpɔ ane cha harɛre ane ɡe, he te aa wola ba bee la ka kemɛ bwa.