Malakae 2:5 - mzwDBL

⁵ N ne Lewi dea tena fɔo la ɛ mkpa ne deŋnesɔɔhna n kpɔ dɛɛ tɛɛ ba. Gɛɛ dɛ́ ɡel baa ɔm mɛ kɛrɛdɛ dɛɛ duu mɛ.

Malakae 2:5 ပူးပေါင်းရင်းမြစ်များ

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Ɛsekeɛl 34:25

N ne baa fɔwɛ deŋnesɔɔhna fɔwee, dɛ́ le kpɔɡ bini olchɔɡa ne harɛ la ta, ásɛ n peera la do pua kpɔɡbaah ta, dɛ́ chɔ kɔne bini deŋnesɔɔhna ta.

Ɛsekeɛl 37:26

N ne baa fɔwɛ deŋnesɔɔhna fɔwee o do le saŋ bɛlbwa dɛɛ la. Mɛɛ ɡeloo ba do kpeɡri ba mun ya kohona, ásɛ n kpɔ n Dea la ba cheɡ ba harɛ ta saŋ bɛlbwa dɛɛ la.

Nɛra Kura 25:7

Asɛ sɔfo Arɔn naa Fenehas, waa ɛ Eliasa bibaa na ɡɛ dɛ le nɛra la bini dɛ ka kpɔ o lampea,

Nɛra Kura 25:8

dɛ ka pu baa la tɛnte dea la bini dɛ yaɡɔ vah ka yaɡɛ haah la, ate weechɔɡa aa lɔ Israel tena la nyoa sɔɔh.

Nɛra Kura 3:45

“Lewi dea tena ne ba kondɛɛra bwa chɛ kɛ bá ɛ n kwa, dɛ́ chiɡ Israel tena bibanloɡla naa ta. Ba kondɛɛra la ɡe chiɡ Israel tena kondɛɛra biloɡla naa ta. Menee Korowii.

Nɛra Kura 8:15

Sɔ Lewi dea tena la doŋa ta, bá do ɡoroŋ, dɛ́ ɛɛ ba kɛŋɔ saraha kwaa baa ɡɔɔra nyundua dɛ viiɡa n sie. He tonaa, a chɛ kɛ ba ba n Dea Cheremibɔr bela, dɛ́ ba ɛ ba toma.